ഊഞ്ഞാൽ പാട്ട്:
ഊഞ്ഞാലേ മക്കാണീ
ഉരിയനെല്ല് പാച്ചോറ്
ഉണ്ടുണ്ട് ഇരിക്കുമ്പം
കാണം വന്ന് മൂടൂട്ടേ..
ഊഞ്ഞാലാടാൻ വാടീ പെണ്ണേ
നല്ലപെണ്ണേ തങ്കക്കൊടീ
എനിക്കെൻെറ കാൽകൊയ്ത്ത്
കാരടിയും നടക്കാമ്മേലേ.
എനിക്കിരിക്കാൻ കെഴക്കഞ്ചേല
എടുത്തുടനെ കൊടുക്കിനമ്മേ
ഇനിയെങ്കിലും വാടിപെണ്ണേ
നല്ലപെണ്ണേ തങ്കക്കൊടീ
ഊഞ്ഞാലേ മക്കാണീ
പൂപ്പട പാട്ട്:
തുമ്പമ്പൂവേ പൂത്തിരളേ
നാളേക്കൊരുവട്ടിപ്പൂതരണേ
ആക്കില ഈക്കില
ഇളംകൊടിപ്പൂക്കുല
പിന്നെ ഞാനെങ്ങനെ
പൂതരേണ്ടൂ
പൂവേപൊലി പൂവേപൊലി
പൂവേപൊലി പൂഹോയ്...
അരിപ്പൂവേ പൂത്തിരളേ
നാളേക്കൊരുവട്ടി പൂതരണേ..
പൂവായ പൂവെല്ലാം
പിള്ളേരറുത്തു
പൂവാംകുരുന്നില
ഞാനും പറിച്ചു
പിള്ളേരെ പൂവൊക്കെ
കത്തിക്കരിഞ്ഞുപോയ്
ഞങ്ങളെ പൂവൊത്ത്
മുങ്ങിത്തെളിഞ്ഞുപോയ്
പൂവേപൊലി പൂവേപൊലി
പൂവേ...
തുമ്പിതുള്ളൽപ്പാട്ട്:
ഒന്നാംതുമ്പിയുമവൾപെറ്റ മക്കളും
പോയി നടപ്പറ തുമ്പിതുള്ളാൻ
രണ്ടാം തുമ്പിയുമവൾപെറ്റ മക്കളും
ചൊല്ലിനടപ്പതുമ്പിതുള്ളാൻ.
തുമ്പിയിരുമ്പല്ല ചെല്ല ഓടല്ല
തുമ്പിത്തുടൽമാല പൊൻതല
മൂന്നാം തുമ്പിയും...
ഇങ്ങനേ പത്തുവരെ നീട്ടിപ്പാടുന്നു
തുട൪ന്ന് വേഗംകൂട്ടി
ആടിവാ തുമ്പീ അനങ്ങിവാ തുമ്പീ
ആട്ടവും പാട്ടുമായോടിവാ തുമ്പീ.
മറ്റൊരു തുമ്പിതുള്ളൽ പാട്ട്:
ഒന്നാംനാം മാമലമേലെ
ഒന്നല്ലൊ മയിലാടുന്നു
ആരു ചൊല്ലീട്ടാടുന്നെൻെറ
ദേവതാര പൊൻമയിലേ
രണ്ടാം നാം മാമലമേലെ
രണ്ടല്ലോ മയിലാടുന്നു
ആരുചൊല്ലി...
ദേവതമാരും മാമുനിമാരുീം
ചൊല്ലീട്ടത്രെ ആടുന്നു
കൊള്ളാം കൊള്ളാം പൊൻമയിലേ
നാളേം വന്നിങ്ങാടിടുമോ.
കിന്നരിമാര് പാഞ്ഞെന്നാൽ
നാളെയും ഞാൻ വന്നാടീടാം
മൂന്നാനാം
ഇങ്ങനെ പത്തുവരെ
പാടുന്നു
കുട്ടികൾ കളിക്കുന്ന കളിക്കുന്ന നാടൻ കളിയുടെ പാട്ട്:
അശകൊലലേ പെണ്ണുണ്ടോ
ചെറു കോശാലംപെണ്ണുണ്ടോ
അശകൊശലേ പെണ്ണില്ലാ
ചെറുകോശാലം പെണ്ണില്ല.
ഇത് കൂടാതെ
പശുവേ പശുവേ പുല്ലിന്നാ
പുലിയേ പുലിയേ കല്ലിന്നാ...
തുടങ്ങിയ നാടൻ കളികളും തെക്കൻ കേരളത്തിൽ പ്രചാരത്തിലുണ്ട്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.