പുലാമന്തോള്: ഗ്രാമപഞ്ചായത്ത് ആയുര്വേദ ഡിസ്പെന്സറി സബ് സെന്ററില് തിരക്കേറുന്നു. ഇതോടെ പ്രവൃത്തിദിവസം വര്ധിപ്പിക്കണമെന്ന ആവശ്യം ശക്തമായി. നിലവില് ആഴ്ചയില് ബുധനാഴ്ച മാത്രമാണ് പുലാമന്തോള് ബസ്സ്റ്റാന്ഡ് കോംപ്ളക്സിലെ ആയുര്വേദ സബ്സെന്റര് പ്രവര്ത്തിക്കുന്നത്. ഇവിടെയത്തെുന്ന രോഗികളുടെ എണ്ണം ക്രമാതീതമായി വര്ധിക്കുകയാണ്. വളപുരത്ത് പ്രവര്ത്തിക്കുന്ന ആയുര്വേദാശുപത്രിയില് എത്തിപ്പെടാന് പറ്റാത്ത രോഗികളാണിവിടെ എത്തുന്നത്. രാവിലെ ഒമ്പത് മുതല് രണ്ടുവരെ പ്രവര്ത്തിക്കുന്ന ഈ ഒറ്റദിവസ സെന്ററില് 200ല്പരം രോഗികളാണത്തെുന്നത്. പ്രായമായവരും സ്ത്രീകളുമാണിവിടെ എത്തുന്ന രോഗികളിലധികവും. രോഗികളുടെ ആധിക്യം കണക്കിലെടുത്ത് സബ് സെന്റര് പ്രവര്ത്തനം ആഴ്ചയില് മൂന്ന് ദിവസമെങ്കിലുമാക്കണമെന്ന് പുലാമന്തോള് യു.ഡി.എഫ് കമ്മിറ്റി അധികൃതരോടാവശ്യപ്പെട്ടു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.