ന്യൂഡൽഹി: കടൽക്കൊലകേസിൽ ഇറ്റാലിയൻ നാവികരുടെ ജാമ്യബോണ്ട് പുതുക്കാൻ സുപ്രീംകോടതി അനുമതി നൽകി. ഇറ്റാലിയൻ സ൪ക്കാറിന്്റെ അപേക്ഷയെ തുട൪ന്നാണ് നടപടി.
കടൽക്കൊലകേസിൽ ഇറ്റാലിയൻ നാവിക൪ക്ക് ജാമ്യം അനുവദിക്കാൻ ബോണടായി ഒരു കോടി രൂപ നൽകാനാണ് കോടതി ആവശ്യപ്പെട്ടിരുന്നത്. ജാമ്യ ബോണ്ടിന്്റെ കാലാവധി അവസാനിക്കാനിരിക്കെയാണ് ഇറ്റലി ബോണ്ട് പുതുക്കാൻ അനുമതി തേടിയത്. ചീഫ് ജസ്റ്റിസ് ആ൪.എം ലോധ അധ്യക്ഷനായ ബഞ്ചാണ് ജാമ്യ ബോണ്ട് പുതുക്കാൻ അനുമതി നൽകിയത്.
അതേസമയം കേസ് തീ൪പ്പാക്കുന്നത് അനന്തമായി നീണ്ടു പോകുന്നതിനാൽ നാവികരെ വെറുതെ വിടണമെന്ന ഹരജിയും ഇറ്റലി സുപ്രീംകോടതിയിൽ സമ൪പ്പിച്ചു. കേസ് പരിഗണനക്കു വരുമ്പാൾ നാവിക൪ ഹാജരാകുമെന്നും ഹരജിയിൽ സൂചിപ്പിച്ചിട്ടുണ്ട്. ഹരജി പരിഗണിക്കുന്നത് അടുത്ത മാസത്തേക്ക് നീട്ടി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.