ന്യൂഡൽഹി: സ്ത്രീധന പീഡനം മൂലം യുവതി മരിച്ച കേസിൽ കൊലക്കുറ്റം ചുമത്താൻ വിചാരണ കോടതിക്ക് ഡൽഹി ഹൈകോടതിയുടെ നി൪ദേശം. ഡിവിഷൻ ബെഞ്ച് ജഡ്ജിമാരായ കൈലാശ് ഗംഭീ൪, ഇന്ദ൪മീത് കൗ൪ എന്നിവരുടേതാണ് വിധി. പ്രതികൾക്കെതിരെ കൊലക്കുറ്റം ചുമത്താത്ത വിചാരണ കോടതി നടപടിയെ ജഡ്ജിമാ൪ രൂക്ഷമായി വിമ൪ശിച്ചു.
സ്ത്രീധന പീഡനത്തെ തുട൪ന്ന് 2000 ജൂൺ 14നാണ് തീപൊള്ളലേറ്റ് ശാലു ജെയിൻ (28) മരിച്ചത്. 2010ൽ വിചാരണ കോടതി ശാലു ജെയിനിൻെറ ഭ൪ത്താവ് യാഷ് ജെയിനിന് ജീവപര്യന്തവും ഇയാളുടെ സഹോദരന് ഏഴ് വ൪ഷവും ബന്ധുക്കളായ രണ്ടു പേ൪ക്ക് 10 വ൪ഷവും തടവ് ശിക്ഷ വിധിച്ചിരുന്നു.
അടുക്കളയിൽ നിന്ന് തീപട൪ന്നാണ് ശാലു ജെയിനിൻെറ മരണമെന്നും ശിക്ഷ ഇളവ് ചെയ്യണമെന്നും ആവശ്യപ്പെട്ട് പ്രതികൾ ഹൈകോടതിയെ സമീപിക്കുകയായിരുന്നു. കൊലപാതകക്കേസ് കൂടി ഉൾപ്പെടുത്തി ആറു മാസത്തിനുള്ളിൽ വിചാരണ പൂ൪ത്തിയാക്കാൻ ഹൈകോടതി വിചാരണ കോടതിക്ക് നി൪ദേശം നൽകി.
1998ലായിരുന്നു ശാലു-യാശ് വിവാഹം. രണ്ടര വ൪ഷം ഭ൪ത്താവും ബന്ധുക്കളും ശാലുവിനെ സ്ത്രീധനം ആവശ്യപ്പെട്ട് പീഡിപ്പിക്കുകയായിരുന്നുവെന്ന് പ്രോസിക്യൂഷൻ വാദിച്ചു. ശാലുവിൻെറ മരണം സ്വാഭാവിക മരണമല്ളെന്നും പ്രതികളുടെ ശിക്ഷ വ൪ധിപ്പിക്കണമെന്നും പ്രോസിക്യൂഷൻ ആവശ്യപ്പെട്ടു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.