ന്യൂദൽഹി: കെട്ടിക്കിടക്കുന്ന 39 ലക്ഷം കേസുകൾ തീ൪പ്പാക്കുകയെന്ന ലക്ഷ്യവുമായി ദേശീയ നിയമ അദാലത് നടത്തി. അദാലത് ദൽഹിയിൽ സുപ്രീംകോടതി ചീഫ് ജസ്റ്റിസ് പി. സദാശിവം ഉദ്ഘാടനം ചെയ്തു. രാജ്യത്തുടനീളമുള്ള കോടതികളിൽ ഒരേസമയമാണ് അദാലത് നടന്നത്. ദേശീയ നിയമസേവന അതോറിറ്റിയുടെയും സുപ്രീംകോടതി നിയമസേവന സമിതിയുടെയും നേതൃത്വത്തിലാണ് പരിപാടി നടന്നത്. പരാതിക്കാ൪ക്ക് എളുപ്പം നീതി ലഭ്യമാക്കുകയെന്നതാണ് അദാലത്തുകൊണ്ട് ഉദ്ദേശിക്കുന്നതെന്ന് ജസ്റ്റിസ് പി. സദാശിവം പറഞ്ഞു. കേസുകൾ വേഗത്തിൽ തീ൪പ്പാക്കുന്നത് പരാതിക്കാരെ ഭയപ്പെടുത്തിയാവരുതെന്നും അദ്ദേഹം പറഞ്ഞു.
വാഹനാപകട കേസുകൾ, കുടുംബ കേസുകൾ, തൊഴിൽ ത൪ക്കങ്ങൾ, ചെക്ക് കേസുകൾ, ബാങ്ക് റിക്കവറി തുടങ്ങിയ കേസുകളാണ് ഇന്നലെ പരിഗണിച്ചത്. 39 ലക്ഷം കേസുകളിൽ എട്ടുലക്ഷത്തോളം മധ്യപ്രദേശിൽനിന്നാണ്. മഹാരാഷ്ട്രയിൽനിന്ന് അഞ്ചര ലക്ഷവും യു.പി, തമിഴ്നാട് എന്നിവിടങ്ങളിൽനിന്ന് നാലുലക്ഷം വീതവുമാണ് കേസുകൾ.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.