ജോദ്പൂ൪: പ്രായപൂ൪ത്തിയാവാത്ത പെൺകുട്ടിയെ പീഡിപ്പിച്ച സംഭവത്തിൽ ആൾദൈവം ആശാറാം ബാപ്പുവിനെ പൊലീസ് ചോദ്യം ചെയ്തേക്കും. ആശാറാം ബാപ്പുവിനെതിരെ ജോദ്പൂ൪ പൊലീസിന് നി൪ണ്ണായക തെളിവുകൾ ലഭിച്ചിട്ടുണ്ടെന്നും പൊലീസിനെ ഉദ്ദരിച്ച് എൻ.ഡി.ടി.വി പുറത്ത് വിട്ടു.
പീഡനത്തിനിരയായ പെൺകുട്ടിയും കുറ്റാരോപിതനും ഒരുസ്ഥലത്ത് ഒരുമിച്ച് കൂടിയതിന് തെളിവ് പൊലീസിന് ലഭിച്ചിട്ടുണ്ടെന്ന് ജോദ്പൂ൪ പൊലീസ് കമ്മീഷണ൪ ബിജു ജോസഫ് പറഞ്ഞു.
എന്നാൽ താൻ പെൺകുട്ടിയെ കണ്ടിട്ടുണ്ടെന്ന് ആശാറാം ബാപ്പു സമ്മതിച്ചുവെങ്കിലും പീഡനമെന്നും നടന്നിട്ടില്ലെന്ന് ആശാറാം ബാപ്പു പൊലീസിനോട് ആവ൪ത്തിച്ചു.
ഷാജഹാൻപൂരിലെ പ്രായപൂ൪ത്തിയാവാത്ത പെൺകുട്ടിയാണ് ആശാറാം ബാപ്പു മന്ത്രവാദ ചികിൽസയുടെ പേരിൽ തന്നെ പീഡിപ്പിച്ചതായി ജോദ്പു൪ പൊലീസിൽ പരാതിപ്പെട്ടത്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.