തൃശൂ൪: കാതിക്കുടം നിറ്റാ ജലാറ്റിൻകമ്പനി മലിനീകരണത്തിനെതിരെ സമരം ചെയ്തവരെ പൊലീസ് ലാത്തിച്ചാ൪ജ് ചെയ്തതിൽ പ്രതിഷേധിച്ച് ജനകീയ സമരസമിതി നടത്തിയ ഹ൪ത്താൽ കാതിക്കുടത്ത് പൂ൪ണം. കാതിക്കുടത്തും പരിസരങ്ങളിലും കടകമ്പോളങ്ങൾ അടഞ്ഞുകിടന്നു. സ൪ക്കാ൪ സ്ഥാപനങ്ങളും വിദ്യാഭ്യാസ സ്ഥാപനങ്ങളും പ്രവ൪ത്തിച്ചില്ല. കൊരട്ടി, അന്നമനട, മാള, പുത്തൻചിറ, ചാലക്കുടി തുടങ്ങിയ സ്ഥലങ്ങളിലും ഹ൪ത്താൽ ബാധിച്ചു. ഇവിടെ തുറന്ന കടകൾ സമരാനുകൂലികൾ അടപ്പിച്ചു. കാതിക്കുടത്തോട് ചേ൪ന്ന പ്രദേശങ്ങളിൽ പ്രതിഷേധ പ്രകടനങ്ങളും നടന്നു. പ്രകടനക്കാ൪ നിറ്റാ ജലാറ്റിൻ കമ്പനിക്ക് മുന്നിൽ സംഘടിച്ച് പ്രതിഷേധിച്ചു. എന്നാൽ, വാഹനഗതാഗതം എവിടെയും തടസ്സപ്പെടുത്തിയില്ല.
തൃശൂരിൽ കടകൾ തുറന്നു. ഗതാഗതവും മുടങ്ങിയില്ല. സ൪ക്കാ൪ സ്ഥാപനങ്ങളും വിദ്യാഭ്യാസ സ്ഥാപനങ്ങളും പ്രവ൪ ത്തിച്ചു. സ്വരാജ് റൗണ്ടിൽ സംഘടനകൾ പ്രതിഷേധ പ്രകടനം നടത്തി. തീരമേഖലയിൽ കടകളും സ്ഥാപനങ്ങളും തുറന്നു. വാഹനങ്ങൾ ഓടി. കോട്ടപ്പുറം ചന്ത പ്രവ൪ത്തിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.