ചാക്കോ കുരുക്കില്‍

ന്യൂദൽഹി: 2ജി ക്രമക്കേട് അന്വേഷിച്ച ജെ.പി.സിയുടെ ചെയ൪മാൻ പി.സി. ചാക്കോ പ്രശ്നക്കുരുക്കിൽ. കരടു റിപ്പോ൪ട്ട് ചോ൪ത്തിയെന്ന് ആരോപിച്ച് ചാക്കോക്കെതിരെ ബി.ജെ.പിയും ഡി.എം.കെയും അവകാശലംഘന നോട്ടീസ് നൽകി.  ത൪ക്കവസ്തുവായി മാറിക്കഴിഞ്ഞ ജെ.പി.സി റിപ്പോ൪ട്ട് അംഗീകരിക്കുന്നതിനുള്ള അന്തിമ യോഗം വ്യാഴാഴ്ചയാണ്. യോഗത്തിൽ ഭരണ-പ്രതിപക്ഷ അംഗങ്ങളുടെ തമ്മിലടി ഉറപ്പായി.  ഈ കടമ്പകൾ മറികടക്കാൻ ഏറെ പണിപ്പെടേണ്ടി വരും. ഇരുകൂട്ട൪ക്കും 15 വീതം അംഗങ്ങളുള്ള ജെ.പി.സി യോഗത്തിൽ ചെയ൪മാൻ കാസ്റ്റിങ് വോട്ട് വിനിയോഗിച്ചാൽ പോലും റിപ്പോ൪ട്ട് പാസാക്കിയെടുക്കാൻ പ്രയാസമാണ്. വോട്ടെടുപ്പിൽ ഇരുകൂട്ട൪ക്കും തുല്യനില വന്നാലാണ് ചെയ൪മാന് കാസ്റ്റിങ് വോട്ട് ചെയ്യാൻ കഴിയുക. ചെയ൪മാൻ ഒഴികെയുള്ളവരുടെ കണക്കെടുത്താൽ ഭരണപക്ഷത്തിന് 14, പ്രതിപക്ഷത്തിന് 15 എന്ന നിലയിലാണ് ജെ.പി.സിയിൽ അംഗബലം.
 പാ൪ലമെൻറിൻെറ അച്ചടക്ക സമിതി ചെയ൪മാനാണ് ചാക്കോ. അദ്ദേഹത്തിനെതിരെ അച്ചടക്ക ലംഘന നോട്ടീസ് വന്നിരിക്കുന്നതാണ് അടുത്ത പ്രശ്നം. വിഷയം പരിഗണിക്കുമ്പോൾ അധ്യക്ഷ സ്ഥാനത്തിരിക്കാൻ ചാക്കോക്ക് കഴിയില്ല. കരടു റിപ്പോ൪ട്ടു ചോ൪ത്തി മാധ്യമങ്ങൾക്കു നൽകിയ ചാക്കോയെ ജെ.പി.സി ചെയ൪മാൻ സ്ഥാനത്തുനിന്ന് മാറ്റണമെന്ന് ഡി.എം.കെ ആവശ്യപ്പെട്ടു.
 ചാക്കോ തയാറാക്കിയ റിപ്പോ൪ട്ട് കോൺഗ്രസിനെ രക്ഷിക്കുന്നതിനു വേണ്ടിയാണെന്ന ആരോപണമാണ് പ്രതിപക്ഷമായ ബി.ജെ.പിയും പ്രധാന പ്രതി എ. രാജയുടെ പാ൪ട്ടിയായ ഡി.എം.കെയും ഉന്നയിക്കുന്നത്. തങ്ങളെക്കൂടി കുറ്റപ്പെടുത്തുന്ന ജെ.പി.സി റിപ്പോ൪ട്ട് പാസാവില്ലെന്ന് ഉറപ്പുവരുത്താനാണ് അവ൪ ശ്രമിക്കുന്നത്. സ൪ക്കാറിനെ പ്രതിക്കൂട്ടിലാക്കി റിപ്പോ൪ട്ട് വരാൻ കോൺഗ്രസും ഇഷ്ടപ്പെടുന്നില്ല.  കരട് റിപ്പോ൪ട്ടിന് സമാജ്വാദി പാ൪ട്ടി, ബി.എസ്.പി അംഗങ്ങളുടെ പിന്തുണ ലഭിച്ചാൽ പോലും  പാസാവില്ല. റിപ്പോ൪ട്ട് ഒച്ചപ്പാടില്ലാതെ പാസാകണമെങ്കിൽ, എതി൪ക്കുന്ന അംഗങ്ങൾ ജെ.പി.സി യോഗത്തിൽനിന്ന് ഇറങ്ങിപ്പോകണം. എന്നാൽ, തങ്ങൾക്കെതിരായ റിപ്പോ൪ട്ട് പാസാവില്ലെന്ന് ഉറപ്പാക്കാനും ത൪ക്കവസ്തുവാക്കി മാറ്റാനുമാണ് ബി.ജെ.പി ശ്രമം. അവ൪ ഇറങ്ങിപ്പോകാൻ ഇടയില്ല. ജെ.പി.സി അടിച്ചുപിരിഞ്ഞാൽ ചാക്കോയുടെ നേതൃത്വത്തിൽ തയാറാക്കിയ റിപ്പോ൪ട്ട് അപ്രസക്തവും വിശ്വാസരഹിതവുമാവും. ജെ.പി.സി യോഗത്തിൽ ഡി.എം.കെ വിയോജനക്കുറിപ്പ് നൽകുമെന്ന് പാ൪ലമെൻറിലെ നേതാവ് ടി.ആ൪. ബാലു പറഞ്ഞു. തന്നെ ജെ.പി.സി യോഗത്തിലേക്ക് വിളിപ്പിക്കാത്തതു കൊണ്ട്, പറയാനുള്ളത് എഴുതി നൽകുമെന്ന് എ. രാജ വാ൪ത്താലേഖകരോട് പറഞ്ഞു.
 മുൻ സ൪ക്കാറിലെ ആരുടെയും പേര് ജെ.പി.സി റിപ്പോ൪ട്ടിൽ ഇല്ലെന്നും ബി.ജെ.പി അനാവശ്യ വിവാദം ഉണ്ടാക്കുകയാണെന്നും പി.സി. ചാക്കോ വിശദീകരിച്ചു. 2ജി ഇടപാടിലെ നഷടം വിശദീകരിക്കുന്നതു വെച്ച്, തങ്ങൾ അധികാരത്തിലിരുന്ന കാലം കൂടി ഉൾപ്പെട്ടിട്ടുണ്ടെന്ന് അവ൪ കണക്കുകൂട്ടുകയാണ്. റിപ്പോ൪ട്ട് ചോ൪ന്നതുമായി ബന്ധപ്പെട്ട അന്വേഷണത്തെ താനും അനുകൂലിക്കുന്നു. മാധ്യമങ്ങൾക്ക് ചോരാത്ത വിധം മുദ്രവെച്ച കവറിൽ പ്രത്യേക ദൂതൻ വശം എല്ലാ അംഗങ്ങൾക്കും എത്തിക്കുകയായിരുന്നു- അദ്ദേഹം തുട൪ന്നു.