ഗുഡ്ഗാവ്: സീനിയ൪ വിദ്യാ൪ഥികൾ വിഷം കഴിപ്പിച്ച് മ൪ദിച്ചതിനെ തുട൪ന്ന് ഗുരുതരാവസ്ഥയിലായ ഒന്നാം വ൪ഷ എൻജിനീയറിങ് വിദ്യാ൪ഥിയെ ആശുപത്രിയിൽ പ്രവേശിപ്പിച്ചു. തുലാ റാം എന്ന വിദ്യാ൪ഥിയെ വായിൽ നുരയും പതയും നിറഞ്ഞ് മ൪ദനമേറ്റ പരിക്കുകളോടെ അബോധാവസ്ഥയിൽ കാമ്പസിനു പിന്നിലെ പാ൪ക്കിൽ കണ്ടെത്തുകയായിരുന്നു. ഒന്നാം സെമസ്റ്റ൪ മാത്സിൻെറ പരീക്ഷക്കു പോയ വിദ്യാ൪ഥിയാണ് സീനിയ൪ വിദ്യാ൪ഥികളുടെ റാഗിങ്ങിനിരയായത്. വിവരമറിയിച്ചിട്ടും പൊലീസ് വൈകിയാണെത്തിയതെന്ന് ബന്ധുക്കൾ ആരോപിച്ചു. ഗുരുതരാവസ്ഥയിൽ വെൻറിലേറ്ററിലാണ് തുലാ റാം. മ൪ദിക്കുകയും വിഷം നൽകി അപായപ്പെടുത്താൻ ശ്രമിക്കുകയും ചെയ്ത സീനിയ൪ വിദ്യാ൪ഥികളുടെ പേര് കോളജ് അധികാരികളെ അറിയിച്ചെങ്കിലും നടപടിയൊന്നുമുണ്ടായില്ലെന്ന് സുഹൃത്തുക്കൾ പറഞ്ഞു. ഗുഡ്ഗാവ് പൊലീസ് സംഭവത്തെക്കുറിച്ച് അന്വേഷിക്കുന്നു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.