ഹൈദരാബാദ്: പ്രകോപനപരമായ പ്രസംഗത്തിൻെറ പേരിൽ വിശ്വഹിന്ദു പരിഷത് നേതാവ് പ്രവീൺ തൊഗാഡിയക്കെതിരെ ലഭിച്ച പരാതിയിൽ പൊലീസ് നടപടി തുടങ്ങി. സമാന പ്രസംഗത്തിൻെറ പേരിൽ ജയിലിലായ മജ്ലിസെ ഇത്തിഹാദുൽ മുസ്ലിമീൻ (എം.ഐ.എം) എം.എൽ.എ അക്ബറുദ്ദീൻ ഉവൈസിക്ക് മറുപടിയായാണ് ഫെബ്രുവരി ഒന്നിന് അതേ ജില്ലയിൽ തൊഗാഡിയയും വിവാദ പ്രസംഗം നടത്തിയത്. പരാതിയെ തുട൪ന്ന് പൊലീസ് സംഭവത്തെക്കുറിച്ച് അന്വേഷണം ആരംഭിച്ചിട്ടുണ്ട്. ഇൻറ൪നെറ്റ് വഴി പ്രചരിക്കുന്ന പ്രസംഗത്തിൻെറ വീഡിയോ ദൃശ്യങ്ങൾ പൊലീസ് പരിശോധിച്ചുവരുകയാണ്. പ്രകോപനപരമായ പ്രസംഗം നടത്തിയെന്ന ആരോപണത്തെ തുട൪ന്ന് ജനുവരി എട്ടിന് പൊലീസ് അറസ്റ്റുചെയ്ത അക്ബറുദ്ദീൻ ഉവൈസിയെ കോടതി 14 ദിവസം ജുഡീഷ്യൽ കസ്റ്റഡിയിൽ വിട്ടിരുന്നു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.