മറയൂർ: ഇടുക്കി ജില്ലയിലെ ഹൈറേഞ്ച് മേഖലയിൽ കാലുറപ്പിക്കാൻ തമിഴ്നാട്ടിലെ രാഷ്ട്രീയ പാർട്ടിയായ എ.ഐ.എ.ഡി.എം.കെയും രംഗത്ത്. തോട്ടം മേഖലയിൽ ജോലിചെയ്യുന്നവരെ ലക്ഷ്യമിട്ടാണ് അണ്ണാ ഡി.എം.കെ സ്ഥാനാർഥികളെ നിർത്തിയിരിക്കുന്നത്. തമിഴ്നാട്ടിൽനിന്ന് പാർട്ടി നേതാക്കളും മന്ത്രിമാരും പ്രചാരണത്തിന് എത്തുന്നുണ്ട്. ജില്ലയിലെ മറയൂർ ഗ്രാമപഞ്ചായത്ത് മൂന്നാം വാർഡിൽ കെ.എൻ. ബാലകൃഷ്ണൻ, മൂന്നാർ പഞ്ചായത്ത് ഏഴാം വാർഡിൽ ചെല്ലദുരൈ, ദേവികുളം ഒന്നാം വാർഡിൽ പി. ഉഷ, പീരുമേട് പഞ്ചായത്ത് ഒന്നാം വാർഡിൽ എസ്. പ്രവീണ എന്നിവരാണ് പാർട്ടി സ്ഥാനാർഥികൾ. കേരളത്തിൽ സ്ഥാനാർഥികൾ വിജയിച്ചാൽ തമിഴ്നാട്ടിൽ ജയലളിത നൽകുന്ന എല്ലാ ആനുകൂല്യങ്ങളും ഇവിടെയും നൽകുമെന്നാണ് വാഗ്ദാനം.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.