കണ്ണൂ൪: അഴീക്കലിൽ അനധികൃത മണൽ കടത്തിനിടെ പത്ത് വള്ളങ്ങൾ വളപട്ടണം പൊലീസ് പിടികൂടി. അഴീക്കൽ പോ൪ട്ടിൻെറ പരിധിയിൽ വരുന്ന സ്ഥലത്ത് നിന്നാണ് എട്ട് ചീനി വള്ളങ്ങളും രണ്ട് ഫൈബ൪ വള്ളങ്ങളും പിടികൂടിയത്.
രാവിലെ ഏഴു മണിയോടെയാണ് തളിപ്പറമ്പ് എ.എസ്.പി ഡോ. ശ്രീനിവാസിൻെറ നേതൃത്വത്തിൽ വൻ മണൽ വേട്ട നടത്തിയത്. പൊലീസ് എത്തിയതോടെ വള്ളങ്ങൾ ഉപേക്ഷിച്ച് തൊഴിലാളികൾ ഓടി രക്ഷപ്പെട്ടു.
അതിരാവിലെ മണൽവാരുന്നതിനിടെയാണ് ബോട്ടിലെത്തിയ പൊലീസ് സംഘം മണൽവേട്ട നടത്തിയത്. തോണിയിൽ തന്നെ മണൽ സൂക്ഷിച്ചിരിക്കുകയാണ്. വളപട്ടണം എസ്.ഐ ബി.കെ. സിജു, പൊലീസുകാരായ അബ്ദുൽ ഹക്കീം, നൗഷാദ്, കനകരാജ്, കെ. റഷീദ്, സുധീ൪ എന്നിവരടങ്ങിയ സംഘമാണ് തോണികൾ പിടികൂടിയത്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.