തിരുവനന്തപുരം: പങ്കാളിത്ത പെൻഷൻ നടപ്പാക്കാനുള്ള നീക്കത്തിനെതിരെ ഭരണ-പ്രതിപക്ഷ സ൪വീസ് സംഘടനകളും പെൻഷൻ സംഘടനകളും സെക്രട്ടേറിയറ്റിലേക്ക് പ്രതിഷേധ മാ൪ച്ച് നടത്തി. വിവിധ സംഘടനകളുടെ നേതൃത്വത്തിൽ രാവിലെ ആരംഭിച്ച മാ൪ച്ചുകളിൽ പതിനായിരങ്ങളാണ് പങ്കെടുത്തത്.
ഇടതു സ൪വീസ് സംഘടനകളുടെ കൂട്ടായ്മയായ എഫ്.എസ്.ഇ.ടി.ഒ യുടെ നേതൃത്വത്തിൽ സംഘടിപ്പിച്ച പ്രതിഷേധ മാ൪ച്ച് ജനറൽ സെക്രട്ടറി എ. ശ്രീകുമാ൪ ഉദ്ഘാടനം ചെയ്തു. അവകാശ സമരങ്ങളിലൂടെ ജീവനക്കാ൪ നേടിയെടുത്ത ആനുകൂല്യങ്ങൾ ഇല്ലാതാക്കുന്ന നയമാണ് ഉമ്മൻചാണ്ടി സ൪ക്കാ൪ സ്വീകരിക്കുന്നതെന്ന് ശ്രീകുമാ൪ പറഞ്ഞു. സമര സമിതി കൺവീന൪ സി.ആ൪ ജോസ് പ്രകാശ്, ജയകുമാ൪ തുടങ്ങിയവ൪ സംസാരിച്ചു.
കോൺഗ്രസ് സ൪വീസ് സംഘടനകളുടെ കൂട്ടായ്മയായ സെറ്റോ സംഘടിപ്പിച്ച മാ൪ച്ച് ചെയ൪മാ൪ കോട്ടാത്തല മോഹനൻ ഉദ്ഘാടനം ചെയ്തു.
പങ്കാളിത്ത പെൻഷൻ ഏ൪പ്പെടുത്തുന്നതിന് മുമ്പ് സ൪വീസ് സംഘടനകളുമായി കൂടിയാലോചിക്കുമെന്ന് നൽകിയ വാക്ക് ലംഘിച്ചെന്നും കാര്യങ്ങൾ ച൪ച്ച ചെയ്ത് തീരുമാനിക്കണമായിരുന്നെന്നും അദ്ദേഹം പറഞ്ഞു. എൻ.ജി.ഒ അസോസിയേഷൻ ജനറൽ സെക്രട്ടറി കെ.വി മുരളി തുടങ്ങിയവ൪ സംസാരിച്ചു. മുസ്ലിംലീഗിൻെറ പോഷക സംഘടന എസ്.ഇ.യു സംഘടിപ്പിച്ച മാ൪ച്ച് സി.പി. ചെറിയ മുഹമ്മദ് ഉദ്ഘാടനം ചെയ്തു. അമ്പലത്തറ ശ്രീകുമാ൪, സുബൈ൪ തുടങ്ങിയവ൪ പങ്കെടുത്തു.
കേരള സ്റ്റേറ്റ് സ൪വീസ് പെൻഷനേഴ്സ് യൂനിയൻ നടത്തിയ മാ൪ച്ച് സംസ്ഥാന ട്രഷറ൪ ജി. പദ്മനാഭപിള്ള ഉദ്ഘാടനം ചെയ്തു. പങ്കാളിത്ത എ.ഐ.വൈ.എഫ് സംഘടിപ്പിച്ച മാ൪ച്ച് സംസ്ഥാന വൈസ് പ്രസിഡൻറ് മീനാങ്കൽ കുമാ൪ ഉദ്ഘാടനം ചെയ്തു. എഫ്.ഇ.ടി.ഒ സംഘടിപ്പിച്ച മാ൪ച്ച് ബി.എം.എസ് സംസ്ഥാന വൈസ് പ്രസിഡൻറ് കെ.കെ. വിജയകുമാ൪ ഉദ്ഘാടനം ചെയ്തു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.