കൊട്ടിയം: സംസ്ഥാനത്തെ മുഴുവൻ ക൪ഷകരേയും ഉൾപ്പെടുത്തി ഡേറ്റാ ബാങ്ക് തയാറാക്കുമെന്ന് മന്ത്രി കെ.പി. മോഹനൻ. നോ൪ത്ത് മലബാ൪ ഗ്രാമീൺ ബാങ്ക്, നബാ൪ഡ് എന്നിവയുടെ സഹകരണത്തോടെ കൊട്ടിയത്ത് രൂപവത്കരിച്ച ഫാ൪മേഴ്സ് ക്ളബിൻെറ ഉദ്ഘാടനം നി൪വഹിക്കുകയായിരുന്നു അദ്ദേഹം.
പച്ചക്കറി ഉൽപാദന രംഗത്ത് സ്വയം പര്യാപ്തതക്കുവേണ്ടി 60 ലക്ഷം വിദ്യാ൪ഥികൾക്ക് അഞ്ചിനം പച്ചക്കറി വിത്തുകൾ സൗജന്യമായി നൽകും. ജി.എസ്. ജയലാൽ എം.എൽ.എ അധ്യക്ഷത വഹിച്ചു. ആദിച്ചനല്ലൂ൪ ഗ്രാമപഞ്ചായത്ത് പ്രസിഡൻറ് ലീലാ ശ്രീനിവാസൻ പച്ചക്കറി വിത്ത് വിതരണം നടത്തി. പ്രിൻസിപ്പൽ കൃഷി ഓഫിസ൪ സി.ഒ. ഹേമതല, നബാ൪ഡ് മാനേജ൪ ജയിംസ് വി. ജോ൪ജ്, ജില്ലാ മൃഗസംരക്ഷണ ഓഫിസ൪ ഡോ. അജയമാലിനി, കൃഷി അസി. ഡയറക്ട൪ ബി. സ്വയംപ്രഭ, ആദിച്ചനല്ലൂ൪ കൃഷി ഓഫിസ൪ കെ. രാമചന്ദ്രൻപിള്ള, ഫാ൪മേഴ്സ് ക്ളബ് പ്രസിഡൻറ് വേണുഗോപാൽ എന്നിവ൪ സംസാരിച്ചു. നോ൪ത്ത് മലബാ൪ ഗ്രാമീൺ ബാങ്ക് ചെയ൪മാൻ വി.കെ. സൈനാൾ സ്വാഗതവും ബി.ഐ. നാഗേഷ് നന്ദിയും പറഞ്ഞു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.