തൃപ്രയാ൪: വീട്ടുമുറ്റത്ത് പാ൪ക്ക് ചെയ്ത ഓട്ടോറിക്ഷ അക്രമികൾ രാത്രി കത്തിച്ചു.നാട്ടിക ബീച്ച് പള്ളത്ത് വടക്കിട്ടിൽ ശേഖരന്റെ മകൻ ഷിബുവിന്റെ ഓട്ടോയാണ് വ്യാഴാഴ്ച്ച രാത്രി 1.30ന് കത്തിച്ചത്.ഓട്ടോറിക്ഷയുടെ ഗ്ളാസ് തക൪ക്കുന്ന ശബ്ദം കേട്ട് വീട്ടുകാ൪ എഴുന്നേറ്റ് നോക്കിയപ്പോഴാണ് ഓട്ടോറിക്ഷ കത്തുന്നത് കണ്ടത്.ഏതാനും മാസംമുമ്പ് ഈ ഓട്ടോറിക്ഷ കുത്തിക്കീറി തല്ലിത്തക൪ത്തിരുന്നു.തൃശൂ൪ ഹരിജൻ വെൽഫെയ൪ സൊസൈറ്റിയിൽ നിന്നും വായ്പയെടുത്ത് ഷിബു ഓടിക്കുന്നതാണ് ഓട്ടോ.വലപ്പാട് പൊലീസിൽ പരാതി നൽകി.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.