കാക്കനാട്: തൃക്കാക്കരയിൽ പണം വെച്ച് പഞ്ചീസ് കളിച്ച 11 പേ൪ പൊലീസ് പിടിയിലായി. തൃക്കാക്കര കൊല്ലംകുടി മുഗളിൽ പൊതുസ്ഥലത്ത് പഞ്ചീസ് കളിച്ചവരെയാണ് തൃക്കാക്കര പൊലീസും സിറ്റി ഷാഡോ പൊലീസും ചേ൪ന്ന് പിടികൂടിയത്. ഓട്ടോ സ്റ്റാൻഡ് പരിസരത്തെ ഒഴിഞ്ഞ സ്ഥലത്ത് സംഘങ്ങളായി കളി നടത്തിയിരുന്ന ഇവ൪ സ്ത്രീകൾക്കും മറ്റ് വഴിയാത്രിക൪ക്കും ശല്യമായിരുന്നു.
ഓട്ടോ ഡ്രൈവ൪മാരും കൊല്ലംകുടി മുഗൾ സ്വദേശികളുമായ സലാം (30), മജീദ് (39), സിറാജ് (45), സോമൻ (49), മനോജ് (39), കാ൪ത്തികേയൻ (38), സുധീ൪ (44), ധനീഷ് (21), ശിവൻ (37), സാംബൻ (38) എന്നിവരാണ് പിടിയിലായത്. ഇവരുടെ പക്കൽ നിന്ന് 8000 രൂപയും കളിക്കാൻ ഉപയോഗിച്ച ഉപകരണവും കണ്ടെടുത്തു. പൊലീസ് വരുന്നത് കണ്ട് ഓടിരക്ഷപ്പെട്ട ഇവരെ ഷാഡോ പൊലീസ് ചേ൪ന്ന് പിടികൂടുകയായിരുന്നു. ഷാഡോ എസ്.ഐ മുഹമ്മദ് നിസാ൪,തൃക്കാക്കര എസ്.ഐ സിബി ടോം,സിവിൽ പൊലീസ് ഓഫിസ൪മാരായ തോമസ്,ബിജു,കബീ൪,ജയരാജ്,ശ്രീകാന്ത്,പ്രവീൺ, ശ്രീകുമാ൪,സുബിൻ നസീ൪ എന്നിവ൪ സംഘത്തിലുണ്ടായിരുന്നു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.