പാവറട്ടി: മദ്യപിച്ചയാൾ ഓടിച്ച കാ൪ മറ്റൊരുകാറിലിടിച്ച് കാൽനടക്കാരനടക്കം മൂന്നുപേ൪ക്ക് പരിക്ക്. അന്തിക്കാട് സ്വദേശി താണ്ടിയേക്കൽ രാജൻ (62), കാൽ നടക്കാരനായ പാവറട്ടി മനപ്പടി സ്വദേശി പടിയത്ത് വേണുഗോപാലൻ ( 58), ചിരിയങ്കണ്ടത്ത് ജേക്കബ് (51) എന്നിവ൪ക്കാണ് പരിക്കേറ്റത്.
വെള്ളിയാഴ്ച വൈകീട്ട് ആറിന് പാവറട്ടി എസ്.ബി.ഐ ബാങ്കിന് മുന്നിലാണ് അപകടം. പാവറട്ടിയിൽ നിന്ന് പൂവത്തൂരിലേക്ക് പോകുകയായിരുന്ന രാജൻ ഓടിച്ചിരുന്ന ഇൻഡിക്ക കാ൪ കാൽനടക്കാരനായ വേണുഗോപാലിനെ ഇടിച്ചു തെറിപ്പിച്ചതിനു ശേഷം എതിരെ വന്ന ഡ്രൈിവിങ് സ്കൂളിൻെറ മാരുതി കാറിലിടിച്ചതിനു ശേഷം സമീപത്തെ മതിലിലിടിക്കുകയായിരുന്നു. മൂവരെയും പാവറട്ടിയിലെ സ്വകാര്യ ആശുപത്രിയിൽ പ്രവേശിപ്പിച്ചു. പാവറട്ടി പൊലീസ് മേൽ നടപടി സ്വീകരിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.