തൃശൂ൪: ഹിന്ദുസ്ഥാൻ യൂനിലിവറിൻെറ കോസ്മെറ്റിക് ഉൽപന്നങ്ങളുടെ വ്യാജൻ വിറ്റതിന് രണ്ടുപേരെ തൃശൂ൪ ഈസ്റ്റ് പൊലീസ് അറസ്റ്റ് ചെയ്തു. ഹൈറോഡിലെ വൈറ്റ്ഹൗസ് ഇലക്ട്രോണിക്സ് എന്ന സ്ഥാപനത്തിൻെറ പാ൪ട്ണ൪മാരായ രാജശേഖറും ഷിജുവുമാണ് പിടിയിലായത്. വൻതോതിൽ വ്യാജ ഉൽപന്നങ്ങൾ പിടിച്ചെടുത്തു.കമ്പനിയിൽനിന്ന് ലഭിച്ച രഹസ്യ വിവരത്തിൻെറ അടിസ്ഥാനത്തിൽ വെള്ളിയാഴ്ച വൈകുന്നേരം നടത്തിയ പരിശോധനയിലാണ് ഇവ പിടിച്ചെടുത്തത്. ഇലക്ട്രോണിക്സ് സാമഗ്രികൾക്കൊപ്പം കോസ്മെറ്റിക്സ് ഉൽപന്നങ്ങളും വിൽക്കുന്നുണ്ട്. പിയേഴ്സ്, ലക്സ് തുടങ്ങിയ സോപ്പുകൾ ഉൾപ്പെടെയുള്ളവ അതേ പേരിലും വ്യാജനെന്ന് തിരിച്ചറിയാത്ത കവറിലുമാക്കിയാണ് വിൽക്കുന്നതെന്നും ഇവയുടെ നി൪മാണ കേന്ദ്രം അന്വേഷിച്ച് വരികയാണെന്നും പൊലീസ് പറഞ്ഞു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.