കടയില്‍ നിന്ന് പണം കവര്‍ന്ന യുവാവിനെ നാട്ടുകാര്‍ പിന്തുടര്‍ന്ന് പിടികൂടി

കാഞ്ഞാണി: മൊബൈൽ കാ൪ഡ് ചോദിച്ച് കടയിൽ എത്തി വ്യാപാരിയുടെ പണം കവ൪ന്ന് രക്ഷപ്പെടാൻ ശ്രമിച്ച യുവാവിനെ നാട്ടുകാ൪ പിന്തുട൪ന്ന് പിടികൂടി പൊലീസിൽ ഏൽപിച്ചു. രണ്ടുപേ൪ രക്ഷപ്പെട്ടു. കേച്ചേരി താഴത്ത് വീട്ടിൽ അൻജുറോയിയാണ് ( 19) അറസ്റ്റിലായത്.
വെള്ളിയാഴ്ച വൈകീട്ട് ആറോടെ കണ്ടശ്ശാംകടവ് സെൻററിലെ വി.പി. ട്രേഡേഴ്സിൽ നിന്നാണ് പണം കവ൪ന്നത്. മൂന്നു പേരാണ് എത്തിയത്. രണ്ടാൾ റോഡിൽ നിന്ന് ഒരാളെ അകത്തേക്ക് വിട്ടു. ഉള്ളിൽ കയറിയ യുവാവ് കടയുടമ ജോസിനോട് ഫോൺ കാ൪ഡ് ആവശ്യപ്പെട്ടു. കാ൪ഡിനായി ജോസ് മേശ വലിപ്പ് തുറന്നപ്പോൾ അഞ്ച് നൂറിൻെറ നോട്ടുകൾ വലിച്ചെടുത്ത് പുറത്തേക്ക് ഓടുകയായിരുന്നു. പുറത്ത് നിന്ന രണ്ടുപേരും കൂടെ  ഓടി. കടയുടമ പുറത്തിറങ്ങി ബഹളമുണ്ടാക്കിയതോടെ നാട്ടുകാ൪ പിറകെ ഓടി അൻജുറോയിയെ പിടികൂടിയെങ്കിലും രണ്ടുപേ൪ രക്ഷപ്പെട്ടു. പിടികൂടിയ യുവാവിനെ നാട്ടുകാ൪ അന്തിക്കാട് പൊലീസിന് കൈമാറി. കൂടെ ഉണ്ടായിരുന്നവരെ കുറിച്ച് പൊലീസിന് വിവരം ലഭിച്ചിട്ടുണ്ട്.