ഡിയോഗര്: ഝാര്ഖണ്ഡില് ക്ഷേത്രത്തിലുണ്ടായ തിക്കിലും തിരക്കിലും പെട്ട് 11 മരണം. 11 പേര്ക്ക് പരിക്കേറ്റു. പുലര്ച്ചെ 5.30ന് ദേവ്ഗഡിലെ ബൈദ്യനാഥ് ദുര്ഗ ക്ഷേത്രത്തിലാണ് അപകടമുണ്ടായത്. പരിക്കേറ്റ 50ലേറെ പേരെ പ്രാദേശിക ആശുപത്രിയില് പ്രവേശിപ്പിച്ചു. ദുരന്തത്തെ തുടര്ന്ന് ക്ഷേത്രം താല്കാലികമായി അടച്ചു.
വര്ഷത്തിലൊരിക്കല് ഗംഗാ ജലം ഉപയോഗിച്ച് ശിവലിംഗത്തില് പൂജ നടത്തുന്ന സാവന് സോംവാര് ആഘോഷത്തിനിടെയായിരുന്നു അപകടം. പ്രത്യേക പൂജയില് പങ്കെടുക്കാന് പതിനായിരക്കണക്കിന് ഭക്തര് ഞായറാഴ്ച തന്നെ ക്ഷേത്രത്തിന് പുറത്ത് തമ്പടിച്ചിരുന്നു. രാവിലെ ക്യൂ പാലിക്കാതെ ആളുകള് ക്ഷേത്രത്തിലേക്ക് ഓടി കയറിയതാണ് അപകടത്തിന് വഴിവെച്ചത്.
2007ല് ബൈദ്യനാഥ് ക്ഷേത്രത്തില് ഇവിടെ തിക്കിലും തിരക്കിലും പെട്ട് അഞ്ചു സ്ത്രീകള് മരിക്കുകയും 11 പേര്ക്ക് പരിക്കേല്ക്കുകയും ചെയ്തിരുന്നു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.