അന്തരിച്ച വയലിനിസ്റ്റ് ബാലഭാസ്കറിെൻറ ചിത്രങ്ങളും വീഡിയോകളും സമൂഹ മാധ്യമങ്ങളിൽ നിറയുകയാണ്. ഒരുകാലത്ത് സന്തോഷത്തോടെ ആസ്വദിച്ചിരുന്ന ബാലുവിെൻറ മനോഹരമായ പ്രകടനങ്ങൾ ഇപ്പോൾ കണ്ണീരോടെയല്ലാതെ ആർക്കും കേട്ടിരിക്കാനാവില്ല. എന്നാൽ അതിലും വേദനയുളവാക്കുന്നതാണ് ബാലുവിേൻറതായി പുറത്തുവന്ന പുതിയ വീഡിയോ.
ബാലുവും മകളുമൊന്നിച്ചുള്ള ഇതുവരെ ആരും കാണാത്ത വീഡിയോ സുഹൃത്തും മെൻറലിസ്റ്റുമായ ആദിയാണ് പുറത്തുവിട്ടത്. ആദ്യമായി മകൾ തേജസ്വിനി ബാല ബാലഭാസ്കറിെൻറ പരിപാടി കാണാനെത്തിയപ്പോൾ മകൾക്ക് വേണ്ടി അദ്ദേഹം നീലാംബരി രാഗത്തിൽ വയലിൻ തന്ത്രികൾ മീട്ടുന്നതാണ് വീഡിയോയിൽ.
ആദ്യം തന്നെ മകളെ തടിച്ചുകൂടിയ ആസ്വാദകർക്ക് പരിചയപ്പെടുത്തുകയാണ് ബാല. ശേഷം മകളോട് വേദിയിൽ നിന്നുകൊണ്ടു തന്നെ ബാല കിന്നരിക്കുന്നുമുണ്ട്. അവസാനം ആസ്വാദകരുടെ അനുവാദത്തോടുകൂടി മകൾക്ക് വേണ്ടി അവൾക്ക് പ്രീയപ്പെട്ട രാഗം മീട്ടി.
ഇതുവരെ സ്വകാര്യ അഹങ്കാരമായി കൊണ്ടു നടന്ന ഇൗ വീഡിയോ റിലീസ് ചെയ്യുന്നു എന്ന് പറഞ്ഞുകൊണ്ടാണ് ആദി ഷെയർ ചെയ്തത്. ബാലയുടെയും മകളുടെയും അതിമനോഹരമായ ഇൗ ദൃശ്യങ്ങൾ സമൂഹ മാധ്യമങ്ങളിൽ വൈറലാണ്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.