തിരുവനന്തപുരം: വയലിനിസ്റ്റ് ബാലഭാസ്കറും മകൾ തേജസ്വിനി ബാലയും മരിച്ച കാര്യം ചികിത്സയിൽ കഴിയുന്ന ഭാര്യ ലക്ഷ്മിയോട് അവരുടെ അമ്മ സംസാരിച്ചതായി വിവരം. ബാലുവിനെയും മകൾ ജാനിയെയും കുറിച്ച് ലക്ഷ്മിയോട് അമ്മ സമാധാനപരമായി സംസാരിെച്ചന്ന് സംഗീതജ്ഞൻ സ്റ്റീഫൻ ദേവസി ഫേസ്ബുക്ക് വിഡിയോയിലൂടെയാണ് അറിയിച്ചത്.
വെൻറിലേറ്റർ സഹായത്തിന് പുറത്തുവന്നപ്പോഴാണ് മകളോട് അമ്മ സംസാരിച്ചത്. ‘ലക്ഷ്മിയുടെ നില മെച്ചപ്പെട്ടുവരുന്നു. അവർ സ്വന്തമായി ശ്വാസം എടുത്തു തുടങ്ങി. ഒരു പക്ഷേ പതിയെ സംസാരിച്ചു തുടങ്ങും. ദൈവം സഹായിച്ചു, അവരുടെ അമ്മ സമാധാനപരമായി സംസാരിച്ചു. അവർ വളരെയധികം വേദനകളിലൂടെ കടന്നുപോകുന്നുണ്ടാകും പക്ഷേ, അവരുടെ ആരോഗ്യം മെച്ചമായിട്ടുണ്ട്. ജീവിതം മുറുകെ പിടിക്കാൻ അവർക്ക് കരുത്തുകിട്ടാൻ എല്ലാവരും പ്രാർഥിക്കുക’ എന്നാണ് സ്റ്റീഫൻ ദേവസി വിഡിയോയിൽ പറയുന്നത്.
ലക്ഷ്മി ചികിത്സയോട് അനുകൂലമായി പ്രതികരിക്കുന്നുണ്ടെന്ന് സ്റ്റീഫൻ വിഡിയോയിലൂടെ അറിയിച്ചിരുന്നു, ആരോഗ്യനില മെച്ചപ്പെട്ട ലക്ഷ്മിയെ രണ്ടുമൂന്ന് ദിവസത്തിനുള്ളിൽ ഐ.സി.യുവിൽനിന്ന് പ്രത്യേക മുറിയിലേക്ക് മാറ്റുമെന്ന് ആശുപത്രി അധികൃതർ അറിയിച്ചിരുന്നു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.