തപ്സീ പന്നു, ഋഷി കപൂർ എന്നിവരെ കേന്ദ്ര കഥാപാത്രങ്ങളാക്കി ഒരുക്കിയ ‘മുല്ക്ക്’ന് ശേഷം അനുഭവ് സിൻഹ സംവിധാന ം ചെയ്യുന്ന ആർട്ടിക്കിൾ 15െൻറ ട്രെയിലർ പുറത്തിറങ്ങി. മുൽക്കിൽ ഇസ്ലാമോഫോബിയ ആയിരുന്നു പ്രമേയമെങ്കിൽ പുതിയ ചിത്രത്തിൽ ഇന്ത്യയിലെ ജാതീയയാണ് ചർച്ച ചെയ്യുന്നത്.
ഭരണഘടനയുടെ അനുച്ഛേദം 15ആണ് സംവിധായകന് സിനിമയുടെ പേരായി തെരഞ്ഞെടുത്തത് എന്നതും പ്രത്യേകതയാണ്. 2014ല് ഉത്തര്പ്രദേശിലെ ബദൗനില് രണ്ട് ദലിത് സ്ത്രീകളെ കൂട്ട ബലാത്സംഗം ചെയ്ത് കൊലപ്പെടുത്തിയ സംഭവമാണ് ചിത്രത്തിൽ പറയുന്നത്.
ഉത്തരേന്ത്യയിൽ ദലിതർ നിരന്തരം നേരിട്ടുകൊണ്ടിരിക്കുന്ന ആക്രമണവും സവർണ്ണ മേധാവിത്വവുമൊക്കെ ചിത്രത്തിൽ പച്ചയായി ഉൾകൊള്ളിച്ചിട്ടുണ്ടെന്നാണ് ട്രെയിലർ നൽകുന്ന സൂചന. ട്രെയിലർ യൂട്യൂബിൽ തരംഗമാവുകയാണ്.
ആയുഷ്മാന് ഖുറാനയാണ് ചിത്രത്തിലെ നായകൻ. ബ്രാഹ്മണനായ ഒരു പൊലീസ് ഓഫീസറായാണ് അദ്ദേഹം വേഷമിടുന്നത്. ഇഷ തൽവാറും തമിഴ് നടൻ നാസറും സുപ്രധാന വേഷങ്ങളിലുണ്ട്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.