മംഗളൂരു: കേരളീയർ അവരുടെ തനത് സംസ്കാരം കാത്തുസൂക്ഷിക്കുന്നതിനൊപ്പം കർണാടകയിലെ ജനങ്ങളുമായി ഇണങ്ങി നിരവധി സാമൂഹിക പ്രവർത്തനങ്ങളും നടത്തുന്നത് ശ്ലാഘനീയമാണെന്ന് ശിവമൊഗ്ഗ എം.പി ബി.വൈ. രാഘവേന്ദ്ര പറഞ്ഞു. ശിവമൊഗ്ഗ മലയാളി സമാജം ഓണാഘോഷം 2023 മൂന്നാം ഘട്ടമായി സംഘടിപ്പിച്ച സാംസ്കാരിക സമ്മേളനം ഉദ്ഘാടനം ചെയ്യുകയായിരുന്നു അദ്ദേഹം. പ്രസിഡന്റ് എൻ.ഡി. സതീശൻ അധ്യക്ഷത വഹിച്ചു.
എസ്. ചന്നബാസപ്പ എം.എൽ.എ, സന്തോഷ് ഭാരതി സ്വാമി, ബിഷപ് ജോസഫ് അറുമച്ചാടത്ത്, ഷാഫി മസ്ജിദ് ഖതീബ് മുനീർ ഫൈസി, വിധാൻ പരിഷത്ത് അംഗം ഡി.എസ്. അരുൺ, കൈരളി സഹകരണ സംഘം പ്രസിഡൻറ് രാമചന്ദ്ര പിള്ള, നായർ സമാജം പ്രസിഡൻറ് കെ.സി.ബി. പിള്ള, അയ്യപ്പ സ്കൂൾ ക്ഷേത്രം പ്രസിഡന്റ് പി.എസ്. പുതുവാൾ, ഭദ്രാവതി കേരള സമാജം പ്രസിഡന്റ് ഗംഗാധരൻ, ഗുണ്ടപ്പ ഷെഡ്ഡ അയ്യപ്പ സ്വാമി ക്ഷേത്രം പ്രസിഡന്റ് എസ്. തങ്കപ്പൻ, ബഥേൽ കൺവെൻഷൻ സെന്റർ പ്രസിഡന്റ് ഇ.ടി. ബെന്നി, എ.കെ. മുഹമ്മദ് എന്നിവർ സംസാരിച്ചു. വിവിധ മേഖലകളിൽ നേട്ടങ്ങൾ കൈവരിച്ച ശിവമൊഗ്ഗയിലെ പ്രമുഖ മലയാളികളെ ആദരിച്ചു. വി.കെ. ഗോവിന്ദ നായർ, ജോമി മാത്യു, ആർ. ഗിരീഷ്, കൽപന നവീൻ, ജി.വി. ഇന്ദു, ഫാ. നിക്സൺ, ഡോ. കെ.പി. രമേഷ്, എബ്രഹാം, കെ. ശിവകുമാർ എന്നിവരെയാണ് അനുമോദിച്ചത്. നിസാർ അഹമ്മദ് അനുമോദന പ്രഭാഷണം നടത്തി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.