ബംഗളൂരു: സെപ്റ്റംബർ 27, 28 തീയതികളിലായി സംഘടിപ്പിക്കുന്ന ഓണാഘോഷത്തോടനുബന്ധിച്ച് കേരളസമാജം ദൂരവാണി നഗർ അഖിലേന്ത്യാ തലത്തിൽ മലയാള കഥ, കവിത മത്സരം നടത്തും. ഒന്നും രണ്ടും മൂന്നും സ്ഥാനങ്ങൾ നേടുന്നവർക്ക് യഥാക്രമം 10,000, 7500, 5000 എന്നിങ്ങനെ കാഷ് അവാർഡുകൾ നൽകും. രചന മൗലികമായിരിക്കണം, മുമ്പ് പ്രസിദ്ധീകരിച്ചതാവരുത്, കഥ ആറു പേജിലും കവിത രണ്ടു പേജിലും കവിയരുത്, കടലാസിന്റെ ഒരു വശത്ത് മാത്രമേ എഴുതാവൂ എന്നിവയാണ് നിബന്ധനകൾ.
പോസ്റ്റൽ ആയി അയക്കുന്നവർ പേരും മേൽവിലാസവും രചനയോടൊപ്പം പ്രത്യേക കടലാസിൽ എഴുതി അയക്കണം. ഇ -മെയിലിൽ അയക്കുന്നവർ രചന അറ്റാച്ച് ചെയ്തും പേരും മേൽവിലാസവും ഇ-മെയിലിൽ കുറിച്ചും അയക്കണം. അവസാന തീയതി: സെപ്റ്റംബർ 15. രചനകൾ അയക്കേണ്ട വിലാസം: സെക്രട്ടറി, കേരള സമാജം ദൂരവാണി നഗർ, ഡി -69, ഐ.ടി.ഐ ടൗൺഷിപ്, ദൂരവാണി നഗർ പി.ഒ, ബംഗളൂരു- 560016. ഫോൺ: 080-25659645, +91 6366 372 320. email: dkshsjubilee@yahoo.com, ksdnewsletter@gmail.com. കഥ, കവിത മത്സരം സംബന്ധിച്ച കൂടുതൽ വിവരങ്ങൾക്ക് 9008273313 എന്ന നമ്പറിൽ ബന്ധപ്പെടണം.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.