ബംഗളൂരു: ബംഗളൂരു-പുണെ ദേശീയ പാതയിലെ ഹുബ്ബള്ളിയിൽ ശനിയാഴ്ച രാവിലെയുണ്ടായ അപകടത്തിൽ നാലുപേർ മരിച്ചു. രണ്ടുപേർക്ക് പരിക്കേറ്റു. ബംഗളൂരു സ്വദേശി പ്രഭു (34), ഹാസൻ സ്വദേശികളായ മണികണ്ഠ (26), പവൻ (23), ചന്ദൻ (31) എന്നിവരാണ് മരിച്ചത്. ദേശീയപാതയിലെ ബെല്ലിഘട്ടി ക്രോസിൽ അപകടത്തിൽപെട്ട കാറുകളിലേക്ക് നിയന്ത്രണംവിട്ട ട്രക്ക് ഇടിച്ചുകയറുകയായിരുന്നു. ഹാസനിൽനിന്ന് ഗോവയിലേക്ക് പോയവരും ബംഗളൂരുവിൽനിന്ന് ഷിർദിയിലേക്ക് പോയവരും സഞ്ചരിച്ച കാറുകളാണ് കൂട്ടിയിടിച്ചത്. അപകടത്തിന് പിന്നാലെ ഈ കാറുകളിൽ ട്രക്ക് വന്നിടിക്കുകയായിരുന്നു.
ഏറെ പരിശ്രമിച്ചാണ് അപകടത്തിൽ തകർന്ന കാറുകളിൽനിന്ന് യാത്രക്കാരെ പുറത്തെടുക്കാൻ കഴിഞ്ഞതെന്ന് ഹുബ്ബള്ളി പൊലീസ് അറിയിച്ചു. പരിക്കേറ്റവരെ ഹുബ്ബള്ളി കിംസ് ആശുപത്രിയിൽ പ്രവേശിപ്പിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.