വെള്ളമുണ്ട: ഉദ്ഘാടനം കഴിഞ്ഞ് വര്ഷങ്ങള് കഴിയുമ്പോഴും ഉപയോഗപ്പെടുത്താന് കഴിയാതെ അനാഥമായി നിരവില്പുഴ ബസ്സ്റ്റാന്ഡ്. കഴിഞ്ഞ പഞ്ചായത്ത് ഭരണസമിതിയുടെ കാലത്ത് മന്ത്രിയത്തെി കൊട്ടിഘോഷിച്ച് ഉദ്ഘാടനം നടത്തിയ ബസ്സ്റ്റാന്ഡാണ് ഒരിക്കല് പോലും ബസ് കയറാതെ കാട് മൂടുന്നത്. കെട്ടിടങ്ങളും ബസുകള് കയറിയിറങ്ങുന്നതിനുള്ള റോഡുകളുമടക്കം നിര്മിച്ചിട്ടുണ്ട്. ടൗണിലൂടെ കടന്നുപോകുന്നതും, ടൗണിലത്തെി തിരിച്ചുപോകുന്നതുമായ ബസുകളെല്ലാം ടൗണില് റോഡരികിലാണ് ഇപ്പോഴും നിര്ത്തിയിടുന്നത്. പലപ്പോഴും ഒന്നിലധികം ബസുകള് നിര്ത്തിയിടുന്ന സമയത്ത് ഗതാഗത തടസ്സത്തിനും ഇടയാക്കുന്നു. ടൗണിന് നടുവിലായി സ്ഥലം വാങ്ങി തൊഴിലുറപ്പ് പദ്ധതിയില് ഉള്പ്പെടുത്തിയാണ് ബസ്സ്റ്റാന്ഡിന്െറ പണി തുടങ്ങിയത്. കെട്ടിടത്തിനും മറ്റുമായി ലക്ഷങ്ങള് വേറെയും ചെലവഴിച്ചിട്ടുണ്ട്. ബസുകള് ഇവിടേക്ക് കയറാനുള്ള സംവിധാനം ഒരുക്കാത്തതാണ് ബസ്സ്റ്റാന്ഡ് അനാഥമാവാന് കാരണം. കോഴിക്കോട്-വയനാട് ജില്ലകളെ ബന്ധിപ്പിക്കുന്ന ടൗണായിട്ടും അധികൃതര് അനാസ്ഥ കാട്ടുകയാണെന്ന് നാട്ടുകാര് പറയുന്നു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.