മാനന്തവാടി: വിദ്യാര്ഥികളും പൊലീസും കൈകോര്ത്തപ്പോള് തിരക്കേറിയ മാനന്തവാടി നഗരപാതകളില് സീബ്രാലൈനുകള് സജ്ജമായി. മാനന്തവാടി, ലിറ്റില് ഫ്ളവര് യു.പി സ്കൂള് റോഡ് സുരക്ഷാ ക്ളബ്, മാനന്തവാടി ജനമൈത്രി പൊലീസ്, ജനമൈത്രി സമിതി എന്നിവര് ചേര്ന്നാണ് സീബ്രാലൈനുകള് പുന$സ്ഥാപിച്ചത്. മാഞ്ഞുപോയ സീബ്രാലൈനുകള് പുന$സ്ഥാപിക്കണമെന്ന് പൊതുമരാമത്ത് അധികൃതരോട് നിരവധി തവണ ആവശ്യപ്പെട്ടിട്ടും ഫലം കാണാതായതോടെയാണ് കുട്ടികള് പൊലീസിന്െറ സഹായംതേടിയത്. തിങ്കളാഴ്ച രാവിലെയാണ് ലൈനുകള് വരച്ചത്. എസ്.ഐ വിനോദ് വലിയാറ്റൂര്, എ.എസ്.ഐ സി.യു. പ്രകാശന്, ജനമൈത്രി പ്രവര്ത്തകരായ എം.പി. ശശികുമാര്, നൗഷാദ് ചാത്തോളി, പ്രധാനാധ്യാപിക സിസ്റ്റര് ഡിവോണ, ഷൈനി മൈക്കിള് എന്നിവര് നേതൃത്വം നല്കി. വിദ്യാര്ഥികളുടെ മാതൃകാ പ്രവര്ത്തനത്തിന് പിന്തുണയുമായി പൊതുജനങ്ങളുമത്തെി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.