സുല്‍ത്താന്‍ ബത്തേരി: നഞ്ചന്‍കോട്-സുല്‍ത്താന്‍ ബത്തേരി-നിലമ്പൂര്‍ റെയില്‍പ്പാതക്കുവേണ്ടി എസ്.പി.വി രൂപവത്കരിക്കാന്‍ അടിയന്തര തീരുമാനമെടുക്കണമെന്നും സംസ്ഥാന ബജറ്റില്‍ ഇതിനുവേണ്ടി നൂറുകോടി ഫണ്ടനുവദിക്കണമെന്നും നീലഗിരി-വയനാട് എന്‍.എച്ച് ആന്‍ഡ് റെയില്‍വേ ആക്ഷന്‍ കമ്മിറ്റി സര്‍ക്കാറിനോടാവശ്യപ്പെട്ടു. എസ്.പി.വി രൂപവത്കരണ തീരുമാനം കേന്ദ്ര റെയില്‍വേ മന്ത്രാലയത്തിന് സംസ്ഥാന സര്‍ക്കാര്‍ കൈമാറിയാല്‍ മാത്രമേ അടുത്ത റെയില്‍വേ ബജറ്റില്‍ ഈപാത അനുവദിക്കാന്‍ കഴിയൂ. ഗവര്‍ണറുടെ നയപ്രഖ്യാപന പ്രസംഗത്തില്‍ നിലമ്പൂര്‍-നഞ്ചന്‍കോട് റെയില്‍പാതാ പദ്ധതി ഇടംനേടിയത് ഏറെ പ്രതീക്ഷയുണര്‍ത്തുന്നതാണെന്ന് യോഗം വിലയിരുത്തി. വയനാടിന്‍െറ സ്വപ്നം ഇതോടെ സര്‍ക്കാര്‍ നയമായി മാറി. ബജറ്റ് സമ്മേളനം ഈമാസം ആരംഭിക്കുമ്പോള്‍ നഞ്ചന്‍കോട്-വയനാട്-നിലമ്പൂര്‍ പാത റെയില്‍വേ ബജറ്റില്‍ ഉറപ്പുവരുത്താന്‍ അടിയന്തരനടപടികളും ജാഗ്രതയും സംസ്ഥാന സര്‍ക്കാര്‍ കൈക്കൊള്ളണമെന്ന് യോഗം ആവശ്യപ്പെട്ടു. അഡ്വ. ടി.എം. റഷീദ് അധ്യക്ഷത വഹിച്ചു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.