ചേന്ദമംഗലൂര്: വയനാട് മുട്ടില് ഓര്ഫനേജ് വൊക്കേഷനല് ഹയര്സെക്കന്ഡറി സ്കൂള് അധ്യാപകനും ചേന്ദമംഗലൂര് സ്വദേശിയുമായ കെ. സൈഫുദ്ദീന് മാഷ് തയാറാക്കുന്ന ലോഗോകള്ക്ക് മികച്ച അംഗീകാരം. 22 വര്ഷമായി മുട്ടില് വി.എച്ച്.എസ്.എസിലെ കമ്പ്യൂട്ടര് സയന്സ് അധ്യാപകനായ ഇദ്ദേഹം രൂപകല്പന ചെയ്ത ലോഗോകള് 2008 മുതല് വയനാട്ടിലെ ജില്ല, ഉപജില്ല മത്സരങ്ങളിലെ ഒൗദ്യോഗിക ലോഗോകളാണ്. ഇത്തവണയും സുല്ത്താന് ബത്തേരി ഉപജില്ല കലാമേളയില് ഇദ്ദേഹത്തിന്െറ ലോഗോയാണ് അംഗീകരിക്കപ്പെട്ടത്.വയനാട് റവന്യൂ ജില്ല സ്കൂള് കലോത്സവം (2008, 2012, 2013), സുല്ത്താന് ബത്തേരി ഉപജില്ല സ്കൂള് കലോത്സവം (2011, 2016), വടകര മേഖല വി.എച്ച്.എസ്.സി എക്സ്പോ (2012, 2013, 2014), വയനാട് ജില്ല ഓര്ഫനേജ് ഫെസ്റ്റ് (2012), സുല്ത്താന് ബത്തേരി ഉപജില്ല ശാസ്ത്രോത്സവം (2012), വയനാട് ജില്ല സഹോദയ കലോത്സവം (2013), ‘ഇവില്ളേജ്’, ‘മെസേജ്’, യുവധാര ക്ളബ്, മുട്ടില് ഓര്ഫനേജ് ഗോള്ഡന് ജൂബിലി, ‘സ്റ്റെപ്’ തുടങ്ങിയവക്ക് ഇദ്ദേഹത്തിന്െറ ലോഗോകളാണ് ഉപയോഗിച്ചത്. ഗ്രാഫിക് ഡിസൈനിങ്ങില് പതിറ്റാണ്ടുകാലത്തെ പരിചയമുണ്ട് ഇദ്ദേഹത്തിന്. ചേന്ദമംഗലൂര് അരിപ്പനാടി കുഞ്ഞോയി -കടാമ്പള്ളി ആമിന ദമ്പതികളുടെ മകനാണ്. ഭാര്യ: രേഷ്മ. മക്കള്: ഫാഹിസ്, അഷ്ഫാഖ്, അംന നസ്റിന്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.