മാനന്തവാടി: ജില്ലാ ആശുപത്രി പ്രസവ വാര്ഡിലെ മാലിന്യം ജീവനക്കാര്ക്കും രോഗികള്ക്കും ഒരുപോലെ ദുരിതമാകുന്നു. കക്കൂസ് മാലിന്യമാണ് പൈപ്പ് പൊട്ടി ഒഴുകുന്നത്. ദുര്ഗന്ധംമൂലം രോഗികള്ക്ക് കിടക്കാന്പറ്റാത്ത അവസ്ഥയാണ്. ജില്ലാ മെഡിക്കല് സ്റ്റോറിലെയും മെഡിക്കല് കോര്പറേഷന്െറ മരുന്ന് ഗോഡൗണിലെയും ജീവനക്കാരാണ് ഏറ്റവുമധികം ദുരിതമനുഭവിക്കുന്നത്. ആഴ്ചകളായി പൈപ്പ് പൊട്ടി ചെറുതായി മാലിന്യം ഒഴുകിയിരുന്നെങ്കിലും കഴിഞ്ഞ രണ്ടു ദിവസമായി വലിയതോതില് മാലിന്യം പുറത്തേക്കുവന്ന കെട്ടിടങ്ങള്ക്കിടയില് തളംകെട്ടി നില്ക്കുകയാണ്. ഇത് ഗുരുതര ആരോഗ്യപ്രശ്നങ്ങള്ക്കിടയാക്കുന്നുണ്ട്. കെ.എം.എസ്.ഡി.എല് അധികൃതര് വിവരമറിയിച്ചതിനെ തുടര്ന്ന് ഡി.എം.ഒ തലത്തിലെ ഉദ്യോസ്ഥര് സ്ഥലത്തത്തെി പരിശോധന നടത്തി. മാലിന്യം പുറത്തേക്കൊഴുകുന്നത് തടയാന് അടിയന്തര നടപടിയെടുക്കാന് അധികൃതര്ക്ക് നിര്ദേശം നല്കി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.