പാലോട്: വിദ്യാലയ പരിസരങ്ങളിൽ പാലോട് പൊലീസ് നടത്തിയ പരിശോധനയിൽ വലയിലായത് 25 ഒാളം ബൈക്കുകളും അതിലേറെ നിയമ ലംഘക രും. സ്റ്റേഷൻ പരിധിയിലെ വിവിധ സ്കൂൾ പരിസരങ്ങളിൽ കഴിഞ്ഞ ദിവസം രാവിലെയും വൈകീട്ടുമായി നടത്തിയ പരിശോധനയിലാണ് ന ടപടി. സ്കൂൾ പരിസരത്ത് നിരോധിത പുകയില ഉൽപന്നങ്ങൾ വിൽപന നടത്തിയതിന് നന്ദിയോട് കള്ളിപ്പാറ തോട്ടുംപുറത്ത് വീട്ടിൽ ബൈജുവിനെ അറസ്റ്റ് ചെയ്തു.
ഇരുചക്ര വാഹനങ്ങളിൽ അഭ്യാസ പ്രകടനങ്ങൾ നടത്തിയവർ, അമിത വേഗത്തിൽ സഞ്ചരിച്ചവർ, മദ്യപിച്ച് വാഹനം ഓടിച്ചവർ എന്നിങ്ങനെ എട്ടു പേർക്കെതിരെ കേസ് രജിസ്റ്റർ ചെയ്തു. ഹെൽമറ്റ് ധരിക്കാതെയും മറ്റ് ഗതാഗത നിയമങ്ങൾ ലംഘിച്ചും ഓടിച്ച 25 ഓളം വാഹനങ്ങൾ പിടികൂടി 13,000 രൂപ പിഴ ഈടാക്കി. വരും ദിവസങ്ങളിലും സ്കൂളുകൾ കേന്ദ്രീകരിച്ച് പരിശോധന ശക്തമാക്കുമെന്ന് പാലോട് ഇൻസ്പെക്ടർ സി.കെ. മനോജ് അറിയിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.