നേമം: വീടിെൻറ പൂമുഖത്ത് പ്രസവിച്ച യുവതിക്ക് 108 ആംബുലൻസിലെ ജീവനക്കാർ തുണയായി. നേമം പൂഴിക്കുന്ന് ആമിന മൻസിലിൽ ഷമീറിെൻറ ഭാര്യ സുജിനയാണ് (22) ആൺകുഞ്ഞിന് ജന്മം നൽകിയത്. വ്യാഴാഴ്ച അർധരാത്രിയോടെ സുജിനക്ക് പ്രസവവേദനയുണ്ടായി. തുടർന്ന് ബന്ധുക്കൾ 108 ആംബുലൻസിൽ വിവരം അറിയിച്ചു. നേമം താലൂക്ക് ആശുപത്രിയിൽനിന്ന് ആംബുലൻസ് ഉടൻ ഇവിടേക്ക് പുറപ്പെട്ടെങ്കിലും യുവതി പ്രസവിച്ചിരുന്നു.
യുവതിയുടെ തുടർന്നുള്ള പരിചരണം സ്ഥലത്തെത്തിയ 108 ലെ ജീവനക്കാർ ഏറ്റെടുത്തു. എമർജൻസി മെഡിക്കൽ ടെക്നീഷ്യൻ സി.ആർ. രാഖിൽ സുജിനയെയും കുഞ്ഞിെനയും പരിശോധിച്ച് ഇരുവർക്കും പ്രഥമശുശ്രൂഷ നൽകുകയും ചെയ്തു. തുടർന്ന് ആംബുലൻസ് പൈലറ്റ് ജി. രാജേഷ് ഇവരെ എസ്.എ.ടി ആശുപത്രിയിൽ എത്തിക്കുകയായിരുന്നു. സുജിനയുടെ രണ്ടാമത്തെ പ്രസവമാണിത്. അമ്മയും കുഞ്ഞും സുഖമായി കഴിയുന്നെന്ന് ആശുപത്രി അധികൃതർ വ്യക്തമാക്കി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.