തിരുവനന്തപുരം: രോഗികൾക്ക് സൗജന്യമായി ലഭിക്കേണ്ട മരുന്നുകൾ ഫാർമസിയിൽ സ്റ്റോക്കുണ്ടെന്ന് റീജ്യനൽ കാൻസർ സൻെറർ അധികൃതർ ഉറപ്പാക്കണമെന്ന് സംസ്ഥാന മനുഷ്യാവകാശ കമീഷൻ. രക്താർബുദ രോഗികൾക്ക് സൗജന്യമായി ലഭിക്കേണ്ട ചില മരുന്നുകൾ കിട്ടുന്നില്ലെന്നാരോപിച്ച് സമർപ്പിച്ച പരാതിയിലാണ് കമീഷൻ അധ്യക്ഷൻ ജസ്റ്റിസ് ആൻറണി ഡൊമിനിക്കിൻെറ ഉത്തരവ്. മരുന്നുകൾക്ക് ലഭ്യതക്കുറവുണ്ടായ സാഹചര്യത്തിൽ മെഡിക്കൽ സർവിസസ് കോർപറേഷൻെറ അനുമതിയോടെ ലോക്കൽ പർച്ചേസ് നടത്തിയതായി ആർ.സി.സി ഡയറക്ടർ സമർപ്പിച്ച വിശദീകരണത്തിൽ പറയുന്നു. കോർപറേഷൻ തന്നെ മരുന്നുകൾ ലഭ്യമാക്കി. ആർ.സി.സിയിൽ എയർ കണ്ടീഷണറുകളുടെയും ശുചിമുറികളുടെയും പോരായ്മകൾ പരാതിക്കിടനൽകാത്ത വിധം പരിഹരിക്കണമെന്നും കമീഷൻ ആവശ്യപ്പെട്ടു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.