നെയ്യാറ്റിൻകര: മകളെ പ്രണയിക്കുന്നത് എതിർത്ത പിതാവിന് ക്രൂര മർദനം. കഴിഞ്ഞ ദിവസം ആലംെപാറ്റയിലാണ് സംഭവം. സുഗുണൻ െറ ഇളയ മകളുമായി ആലംപൊറ്റ സ്വദേശിയായ യുവാവ് പ്രണയത്തിലായിരുന്നു. വീട്ടുകാരുടെ എതിർപ്പിനെ തുടർന്ന് ഈ ബന്ധത്തിൽനിന്ന് പെൺകുട്ടി അകന്നുമാറി. എന്നാൽ, യുവാവ് നിരന്തരം ഭീഷണിപ്പെടുത്തുക പതിവായിരുന്നു. കഴിഞ്ഞ ദിവസം വൈകീട്ട് പെൺകുട്ടിയുടെ ഫോണിൽ വിളിച്ച യുവാവ് കൂടെ ജീവിക്കാൻ അനുവദിച്ചില്ലെങ്കിൽ അച്ഛനെയും സഹോദരിയെയും ഉൾപ്പെടെ വകവരുത്തുമെന്ന് ഭീഷണിപ്പെടുത്തി. നിമിഷങ്ങൾക്കകം വീട്ടിലേക്കെത്തിയ യുവാവും സംഘവും ചേർന്ന് സുഗുണനെ മൃഗീയമായി മർദിക്കുകയായിരുന്നു. നിലവിളികേട്ട് നാട്ടുകാർ എത്തിയപ്പോഴേക്കും അക്രമികൾ ഓടി രക്ഷപ്പെട്ടു. മുഖത്തും മൂക്കിനും കാര്യമായ പരിക്ക് പറ്റിയ സുഗുണൻെറ ഒരു പല്ലും നഷ്ടമായി. തിരുവനന്തപുരം മെഡിക്കൽ കോളജിൽ ചികിത്സ നേടിയശേഷം നെയ്യാറ്റിൻകര ജനറൽ ആശുപത്രിയിൽ ചികിത്സയിലാണ് സുഗുണൻ. നെയ്യാറ്റിൻകര പൊലീസിൽ പരാതി നൽകി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.