തിരുവനന്തപുരം: റെയില്വേ യാത്രാനിരക്ക്, ഇന്ധനവില വര്ധനകള് പിന്വലിക്കാന് കേന്ദ്രസര്ക്കാര് തയാറാകണമെന്ന് എഫ്.എസ്.ഇ.ടി.ഒ സംസ്ഥാന കമ്മിറ്റി. രാജ്യത്തിൻെറ ജനാധിപത്യ മതേതരമൂല്യങ്ങളെ തകര്ത്തും ഭരണഘടനാ തത്ത്വങ്ങളെ ലംഘിച്ചും രാജ്യത്തെ മതാടിസ്ഥാനത്തില് ഭിന്നിപ്പിക്കാന് കേന്ദ്ര സര്ക്കാര് നടത്തുന്ന നടപടികള്ക്കെതിരെ ജനങ്ങളാകെ തെരുവിലിറങ്ങി പ്രതിഷേധിക്കുന്ന ഘട്ടത്തിലും ജനേദ്രാഹ നടപടികളില്നിന്ന് തങ്ങള് പിന്മാറില്ലെന്ന് തെളിയിക്കുന്നതാണ് റെയില്വേ യാത്രാനിരക്ക് ഇന്ധനവില വർധനയെന്ന് അവര് കുറ്റപ്പെടുത്തി. വിലവർധനയില് പ്രതിഷേധിച്ച് വെള്ളിയാഴ്ച ജില്ല കേന്ദ്രങ്ങളിലും താലൂക്ക് കേന്ദ്രങ്ങളിലും എഫ്.എസ്.ഇ.ടി.ഒ പ്രതിഷേധപ്രകടനങ്ങള് നടത്തുമെന്ന് സംസ്ഥാന പ്രസിഡൻറ് കെ.സി. ഹരികൃഷ്ണനും ജനറല് സെക്രട്ടറി ടി.സി. മാത്തുക്കുട്ടിയും അറിയിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.