വഞ്ചിയൂർ-പണയിൽകടവ് റോഡ് യാത്ര ദുരിതമെന്ന് പരാതി

കല്ലമ്പലം: കരവാരം പഞ്ചായത്തിലെ വഞ്ചിയൂർ പാർക്ക്-പണയിൽകടവ് ചെളി നിറഞ്ഞ് യാത്ര ദുരിതമെന്ന് പരാതി. റോഡിൽ കുത്തനെ കയറ്റമുള്ള ഭാഗത്ത് സ്വകാര്യവ്യക്തി മണ്ണിറക്കിയത് മഴയെ തുടർന്ന് ചെളിക്കെട്ടായെന്നാണ് നാട്ടുകാർ പറയുന്നത്. ഇരുചക്ര വാഹനങ്ങൾ ഉൾപ്പെടെ വാഹനങ്ങൾക്ക് ചളിമൂലം കയറ്റം കയറാൻ കഴിയുന്നില്ല. പഞ്ചായത്തധികൃതരെ അറിയിച്ചിട്ടും നടപടിയില്ലെന്നാണ് പരാതി. ചിത്രം IMG-20190919-WA0001 ചെളിക്കളമായ വഞ്ചിയൂർ-പണയിൽകടവ് റോഡ്