തിരുവനന്തപുരം: മദ്യപിച്ചയാൾ അമിതവേഗത്തിൽ ഒാടിച്ച കാറിടിച്ച് ഹോം ഗാർഡിന് പരിക്കേറ്റു. വട്ടിയൂർക്കാവ് സ്വദേശ ി അനിൽകുമാറാണ് കാലിന് സാരമായ പരിക്കുകളോടെ ഇടപ്പഴഞ്ഞിയിലെ സ്വകാര്യ ആശുപത്രിയിൽ ചികിത്സയിലുള്ളത്. ശനിയാഴ്ച രാത്രി ഒമ്പത് മണിയോടെ ശാസ്തമംഗലത്തിന് സമീപം പൈപ്പിൻമൂട്ടിലായിരുന്നു അപകടം. ജോലി കഴിഞ്ഞ് വീട്ടിലേക്ക് മടങ്ങുന്നതിനിടെ പാഞ്ഞെത്തിയ കാർ അനിൽകുമാറിനെ ഇടിക്കുകയായിരുന്നു. ഇടിച്ച വാഹനം നിർത്താതെ പോയി. തുടർന്ന് നാട്ടുകാർ ബൈക്കുകളിൽ പിന്തുടർന്നു. ഇതോടെ കാറുപേക്ഷിച്ച് അപകടമുണ്ടാക്കിയയാൾ രക്ഷപ്പെട്ടെന്ന് പൊലീസ് പറഞ്ഞു. ആറ്റിങ്ങൽ സ്വദേശിയുടേതാണ് കാറെന്ന് പൊലീസ് കണ്ടെത്തി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.