കിളിമാനൂർ: മുക്കുപണ്ടം പണയം െവച്ച് പണം തട്ടിയ കേസിൽ പള്ളിക്കലിൽ മൂന്ന് യുവാക്കൾ അറസ്റ്റിലായതായി സൂചന. അറസ്റ്റ ് വിവരങ്ങൾ പൊലീസ് പുറത്തുവിട്ടിട്ടില്ല. പള്ളിക്കലിൽ പ്രവർത്തിക്കുന്ന സ്വകാര്യ ബാങ്കിലാണ് മുക്കുപണ്ടം പണയം വെച്ച് ലക്ഷങ്ങൾ തട്ടിയെടുത്തത്. ഉടമയുടെ പരാതിയിൽ പള്ളിക്കൽ പൊലീസ് കേസെടുത്ത് അന്വേഷണം നടത്തിവരുകയായിരുന്നു. സി.സി.ടി.വി ദൃശ്യങ്ങളിൽ നിന്നാണ് പ്രതികൾ വന്ന കാർ പൊലീസ് കണ്ടെത്തിയത്. തുടർന്ന് നടത്തിയ അന്വേഷണത്തിലാണ് ഞാറയിൽകോണം സ്വദേശികളായ യുവാക്കൾ പിടിയിലായത്. മറ്റൊരു പ്രതിക്കായുള്ള തിരച്ചിൽ പൊലീസ് ഊർജിതമാക്കി. പ്രതികൾ സഞ്ചരിച്ചിരുന്ന കാർ പൊലീസ് കസ്റ്റഡിയിലെടുത്തു. തട്ടിപ്പിനായി സുഹൃത്തിൻെറ കാർ പ്രതികൾ ഉപയോഗിക്കുകയായിരുന്നെന്നാണ് സൂചന.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.