തിരുവനന്തപുരം: ജനറൽ ആശുപത്രിയിലെ ഒമ്പതാം വാർഡിൽ 84 അന്തേവാസികൾക്ക് ക്രിസ്മസിെൻറ സ്നേഹ സന്ദേശവും സമ്മാനവും പക ർന്ന് ഒരുദിനം. കേരള ഗാന്ധിസ്മാരകനിധിയുടെ ആഭിമുഖ്യത്തിലാണ് ക്രിസ്മസ് ആഘോഷം സംഘടിപ്പിച്ചത്. തിരുവനന്തപുരം അതിരൂപത വികാരി ജനറൽ മോൺ. യൂജിൻ പെരേര കേക്ക് മുറിച്ചു. മൂന്നുവർഷത്തിലേറെയായി അന്തേവാസിയായ വള്ളക്കടവിൽ നിന്നുള്ള സുരേന്ദ്രന് ആദ്യ കേക്ക് നൽകിയാണ് സ്നേഹസംഗമം ഉദ്ഘാടനം ചെയ്തത്. ഗാന്ധി സ്മാരക നിധി ചെയർമാൻ പി. രാമചന്ദ്രൻ നായർ അധ്യക്ഷത വഹിച്ചു. ശാന്തിസമിതി സെക്രട്ടറി ജെ.എം. റഹിം, മദ്യ നിരോധന സമിതി നേതാവ് ആർ. നാരായണൻ തമ്പി, ഡോ. മുരുകൻ, സീനിയർ നഴ്സ് ബിന്ദു എന്നിവർ സംസാരിച്ചു. ഫാ. പോൾ സണ്ണിയുടെ നേതൃത്വത്തിലുള്ള കുലശേഖരം ഇടവകയിലെ കെ.സി.വൈ.എം ഗായകസംഘം ഗാനങ്ങൾ അവതരിപ്പിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.