തിരുവനന്തപുരം: പ്രളയബാധിത പ്രദേശങ്ങളിൽ ശുചീകരണയജ്ഞത്തിന് വനിത കമീഷനും. ആലപ്പുഴയിലെ ആര്യാട് പഞ്ചായത്തിലെ കോമളപുരം പ്രദേശത്തെ വീടുകൾ ഞായറാഴ്ച സംഘം വൃത്തിയാക്കും. വനിത കമീഷൻ അധ്യക്ഷയും അംഗങ്ങളും ഇരുപത്തഞ്ചിലധികം ജീവനക്കാരും പങ്കെടുക്കും. അധ്യക്ഷ എം.സി. ജോസഫൈൻ, അംഗങ്ങളായ അഡ്വ.എം.എസ്. താര, ഷിജി ശിവജി, മെംബർ സെക്രട്ടറി പി. ഉഷാറാണി എന്നിവരുടെ നേതൃത്വത്തിലാണ് ശുചീകരണയജ്ഞം. കമീഷൻ അധ്യക്ഷയും അംഗങ്ങളും ഒരു മാസത്തെ ശമ്പളം മുഖ്യമന്ത്രിയുടെ ദുരിതാശ്വാസനിധിയിലേക്ക് കൈമാറി. ജീവനക്കാരും നിശ്ചിത തുക നൽകും.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.