പെരുമാതുറ: പ്രദേശത്തെ വിദ്യാഭ്യാസ പിന്നാക്കാവസ്ഥ പരിഹരിക്കാന് എസ്.ഐ.ഒ ജില്ലാ കമ്മിറ്റി നടപ്പാക്കുന്ന 'എജുസ്പോട്ട്-പെരുമാതുറ വിദ്യാഭ്യാസ പദ്ധതി'യുടെ പ്രഖ്യാപനം ഡെപ്യൂട്ടി സ്പീക്കര് വി. ശശി നിര്വഹിച്ചു. സര്ക്കാര് ഇതര സംവിധാനങ്ങള് പ്രദേശത്തെ വിദ്യാഭ്യാസ പുരോഗതിക്ക് നേതൃപരമായ പങ്ക് വഹിക്കുന്നത് ശ്ലാഘനീയമാണെന്ന് അദ്ദേഹം കൂട്ടിച്ചേര്ത്തു. എസ്.ഐ.ഒ ദേശീയ പ്രസിഡൻറ് നഹാസ് എ.എച്ച് മുഖ്യപ്രഭാഷണം നിർവഹിച്ചു. നിര്ധനരായ വിദ്യാർഥികള്ക്ക് പീപ്പിള്സ് ഫൗണ്ടേഷന് നല്കുന്ന പഠനോപകരണങ്ങള് ജമാഅത്തെ ഇസ്ലാമി പി.ആര് സെക്രട്ടറി ടി. ഷാക്കിര് പെരുമാതുറ മുസ്ലിം ജമാഅത്ത് ചീഫ് ഇമാം അബ്ദുല് സത്താര് മൗലവിക്ക് നല്കി. എസ്.എസ്.എല്.സി പരീക്ഷയില് വിജയം കൈവരിച്ച വിദ്യാർഥികള്ക്കുള്ള ഉപഹാരവിതരണം എസ്.ഐ.ഒ സംസ്ഥാന സെക്രട്ടറി റഹീം ചേന്നമംഗല്ലൂര് നിർവഹിച്ചു. ജമാഅത്തെ ഇസ്ലാമി ജില്ലാ പ്രസിഡൻറ് എച്ച്. ഷഹീര് മൗലവി, പെരുമാതുറ മഹല്ല് ഇമാം അബ്ദുല് സത്താര് മൗലവി, ജമാഅത്തെ ഇസ്ലാമി ചിറയിന്കീഴ് ഏരിയ പ്രസിഡൻറ് അമീര് കണ്ടല്, ഏരിയ സെക്രട്ടറി സുധീര് കരിച്ചാറ, പുതുക്കുറിച്ചി മഹല്ല് പ്രസിഡൻറ് സഫീര് എം.എച്ച്, പെരുമാതുറ മഹല്ല് സെക്രട്ടറി ടി.എസ്. നസീര്, എസ്.ഐ.ഒ ജില്ലാ പ്രസിഡൻറ് റഹ്മാന് അസ്ഹരി, ജില്ലാ സെക്രട്ടറി ഷാഹിന്, പ്രോഗ്രാം കണ്വീനര് സുഹൈല് പെരുമാതുറ എന്നിവർ സംസാരിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.