കൊല്ലം: പതിനൊന്നുകാരിക്ക് ലൈംഗികചുവയുള്ള കത്ത് നൽകുകയും ശാരീരികമായി അതിക്രമം നടത്തുകയും ചെയ്ത കേസിൽ പ്രതിക്ക് മൂന്ന് വർഷം കഠിനതടവും 25,000 രൂപ പിഴയും. പടിഞ്ഞാറെ കല്ലട കോട്ടക്കുഴി തുണ്ടിൽകിഴക്കതിൽ മണിക്കുട്ടൻ എന്ന ജയപ്രകാശിനെയാണ് (55) അഡീഷനൽ സെഷൻസ് ജഡ്ജി ഇ. ബൈജു ശിക്ഷിച്ചത്. 2017ൽ ആയിരുന്നു കേസിനാസ്പദമായ സംഭവം. ബാലിക തനിച്ചിരുന്ന കടയിൽകയറി പ്രതി അശ്ലീലചുവയുള്ള കത്ത് നൽകുകയും തുടർന്ന് ലൈംഗിക അതിക്രമം കാട്ടുകയുമായിരുന്നു. കടയിൽ അതിക്രമിച്ച് കയറിയതിന് ഒരു വർഷം കഠിനതടവും 10,000 രൂപ പിഴയും അശ്ലീലകത്ത് നൽകിയതിന് േപാക്സോ നിയമം ഏഴാം വകുപ്പ് പ്രകാരം രണ്ടുവർഷം തടവും 15,000 രൂപ പിഴയുമാണ് ശിക്ഷ. ശാസ്താംകോട്ട പൊലീസ് രജിസ്റ്റർ ചെയ്ത കേസിൽ 13 രേഖകൾ ഹാജരാക്കി. 10 സാക്ഷികളെയും വിസ്തരിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.