കുളത്തിൽ കുളിക്കാനിറങ്ങിയ എൻജിനീയറിങ് വിദ്യാർഥി മരിച്ചു photo: sajay 20 പാറശ്ശാല: കുളത്തിൽ കുളിക്കാനിറങ്ങിയ എൻജിനീയറിങ് വിദ്യാർഥി കാൽ വഴുതിവീണ് മരിച്ചു. അമരവിളക്ക് സമീപം കീഴ്ക്കൊല്ല വയലിക്കോണം വെളിച്ചം വീട്ടിൽ സത്യൻ-സുജ ദമ്പതികളുടെ മകൻ സജയ്് (20)ആണ് മരിച്ചത്. ശനിയാഴ്ച വൈകീട്ട് 3.30ഒാടെ വീടിനടുത്ത പാട്ടക്കുളത്തിലാണ് അപകടം. പാറശ്ശാലയിൽനിന്നെത്തിയ ഫയർഫോഴ്സ് യുവാവിനെ കരക്കെത്തിച്ച് നെയ്യാറ്റിൻകര ജനറൽ ആശുപത്രിയിൽ എത്തിച്ചെങ്കിലും മരിച്ചു. കാര്യവട്ടം എൻജിനീയറിങ് കോളജിൽ ഇൻഫർമേഷൻ ടെക്‌നോളജിയിലെ രണ്ടാം വർഷ വിദ്യാർഥിയാണ് സജയ്. മൃതദേഹം തിരുവനന്തപുരം മെഡിക്കൽ കോളജ് ആശുപത്രിയിൽ പോസ്റ്റ്മോർട്ടത്തിനു ശേഷം ബന്ധുക്കൾക്ക് കൈമാറി. സജൻ ജ്യേഷ്ഠ സഹോദരനാണ്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.