തിരുവനന്തപുരം: നാഷനല് ഇൻസ്റ്റിറ്റ്യൂട്ട് ഓഫ് സ്പീച്ച് ആന്ഡ് ഹിയറിങ്ങും (നിഷ്) സംസ്ഥാന സാമൂഹികക്ഷേമ വകുപ്പും ചേര്ന്ന് എല്ലാ മാസവും നടത്തുന്ന നിഡാസ് സെമിനാര് മേയ് 19ന് 'ശ്രവണപരിമിതി: ജനിതകകാരണങ്ങളും പരിപാലനവും' എന്ന വിഷയത്തില് ആക്കുളം നിഷ് കാമ്പസില് നടക്കും. ശ്രവണപരിമിതിയുടെ ജനിതകകാരണങ്ങള്, അനുബന്ധ പ്രശ്നങ്ങള്, ചികിത്സ എന്നിവയെല്ലാം ചര്ച്ച ചെയ്യുന്ന സെമിനാറില് പങ്കെടുക്കുന്നവര്ക്ക് സംശയനിവാരണത്തിന് അവസരമുണ്ടാകും. എല്ലാ ജില്ലാ ശിശുസംരംക്ഷണസമിതി ഓഫിസുകളിലും (ഡി.സി.പി.യു) സെമിനാര് തത്സമയം പ്രക്ഷേപണംചെയ്യും. താല്പര്യമുള്ളവര്ക്ക് http://nidas.nish.ac.in/be-a-participant/ ലിങ്കില് രജിസ്റ്റര് ചെയ്യാം. ഹൈസ്പീഡ് ഇൻറര്നെറ്റ് കണക്ഷനൊപ്പം ലാപ്ടോപ്, പി.സി, മൊബൈല് ഫോണ്, ടാബ്ലറ്റ് എന്നിവയിലേതെങ്കിലുമുള്ളവര്ക്ക് വീട്ടിലിരുന്ന് പങ്കെടുക്കാം. വെബ്ക്യാമും മൈക്കും ഉണ്ടാകുന്നത് അഭികാമ്യം. നിഷില് നേരിട്ടെത്തി പങ്കെടുക്കാനായി 0471 3066675 നമ്പറില് രജിസ്റ്റര് ചെയ്യണം.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.