തിരുവനന്തപുരം: കേരള സർവകലാശാല അവസാനവർഷ ബിരുദ പരീക്ഷ മാറ്റമില്ലാതെ വ്യാഴാഴ്ചതന്നെ നടക്കും. ഇക്കാര്യം യൂനിവേഴ്സിറ്റി എക്സാം കൺട്രോളറുടെ ഓഫിസ് ഫ്രറ്റേണിറ്റി മൂവ്മെൻറ് നേതാക്കളെ അറിയിച്ചു. കാലിക്കറ്റ് സർവകലാശാലയിലെ ജേണലിസം പി.ജി പ്രവേശന പരീക്ഷ വ്യാഴാഴ്ച നടത്താൻ തീരുമാനിച്ച സാഹചര്യത്തിൽ അന്നുതന്നെ നടക്കേണ്ടിയിരുന്ന കേരള സർവകലാശാലയുടെ ബിരുദ പരീക്ഷ മാറ്റണമെന്ന് നേരത്തേ നിവേദനത്തിൽ ഫ്രറ്റേണിറ്റി മൂവ്മെൻറ് ആവശ്യപ്പെട്ടിരുന്നു. സംസ്ഥാന സെക്രട്ടറി അജീഷ് കിളിക്കോട്ടിെൻറ നേതൃത്വത്തിൽ വി.സിക്കാണ് നിവേദനം നൽകിയത്. ഉപരിപഠനസാധ്യതകൾ നഷ്ടമാകുന്ന സാഹചര്യം നിവേദനത്തിൽ ചൂണ്ടിക്കാട്ടിയിരുന്നു. തുടർന്ന് പരീക്ഷ മാറ്റിെവച്ചിരുന്നു. പിന്നീട് കാലിക്കറ്റ് സർവകലാശാലയിലെ പി.ജി പ്രവേശന പരീക്ഷ പുനഃക്രമീകരിച്ചതായി അറിയിപ്പ് വന്നു. ഇൗ സാഹചര്യത്തിൽ കേരളയിലെ പരീക്ഷ വ്യാഴാഴ്ചതന്നെ നടത്താമെന്ന് രേഖാമൂലം ഫ്രറ്റേണിറ്റി മൂവ്മെൻറ് വി.സിയെ അറിയിക്കുകയായിരുന്നു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.