നെയ്യാറ്റിന്കര: വിശുദ്ധ വാരാചരണത്തിന് തുടക്കം കുറിച്ച് ദേവാലയങ്ങളില് ഓശാന ഞായര് ആചരിച്ചു. നെയ്യാറ്റിന്കര ലത്തീന് രൂപതയുടെ നേതൃത്വത്തില് നടന്ന ഓശാന ഞായര് തിരുകര്മങ്ങള്ക്ക് ബിഷപ് ഡോ. വിന്സെൻറ് സാമുവല് മുഖ്യ കാര്മികത്വം വഹിച്ചു. കുരുത്തോല പ്രദക്ഷിണം ബസ്സ്റ്റാൻഡ് ജങ്ഷന്-ആലുമ്മൂട് ജങ്ഷന്-കോണ്വെൻറ് റോഡ് വഴി ദേവാലയത്തില് സമാപിച്ചു. വികാരി ജനറല് മോണ്. ജി. ക്രിസ്തുദാസ്, ഇടവക വികാരി മോണ്. വി.പി. ജോസ് എന്നിവര് സഹകാർമികരായി. പാറശ്ശാല മലങ്കര കത്തോലിക്കാ രൂപതാ ബിഷപ് തോമസ് മാര് യൂസേബിയൂസ് പനച്ചമൂട് സെൻറ് മേരീസ് ദേവാലയത്തില് തിരുകർമങ്ങള്ക്ക് നേതൃത്വം നല്കി. തെക്കന് കുരിശുമല തീര്ഥാടന കേന്ദ്രത്തില് കുരിശുമല റെക്ടര് മോണ്. വിന്സെൻറ് കെ. പീറ്റര് മുഖ്യകാര്മികത്വം വഹിച്ചു. തീര്ഥാടന കേന്ദ്രമായ കമുകിന്കോട് വിശുദ്ധ അന്തോണീസ് ദേവാലയത്തിലും വ്ലാത്താങ്കര സ്വര്ഗാരോപിത മാതാ ദേവാലയത്തിലും പ്രാർഥനകൾക്ക് ഫാ. വത്സലന് ജോസും ഫാ. എസ്.എം അനില്കുമാറും മുഖ്യകാര്മികത്വം വഹിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.