തിരുവനന്തപുരം: അന്താരാഷ്ട്ര വനിതാ ദിനത്തോടനുബന്ധിച്ച് തീരദേശ മഹിളാവേദിയുടെ നേതൃത്വത്തിൽ മത്സ്യവിപണന സ്ത്രീകൾ സെക്രേട്ടറിയറ്റിലേക്ക് മാർച്ച് നടത്തി. മത്സ്യവിപണന സ്ത്രീകളുടെ തൊഴിൽസുരക്ഷ ഉറപ്പാക്കുക, വഴിയോരചന്തകളും മത്സ്യമാർക്കറ്റുകളും ആധുനികരീതിയിൽ നവീകരിക്കുക, അമോണിയ ചേർത്ത മത്സ്യം തടയാൻ തമിഴ്നാട്ടിലെയും കർണാടകത്തിലെയും അതിർത്തി ചെക്ക്പോസ്റ്റുകളിൽ രാസപരിശോധന നടത്തുക തുടങ്ങിയ ആവശ്യങ്ങളുന്നയിച്ചായിരുന്നു മാർച്ച്. കേരള സ്വതന്ത്ര്യ മത്സ്യത്തൊഴിലാളി ഫെഡറേഷൻ സംസ്ഥാന വൈസ് പ്രസിഡൻറ് ആേൻറാ ഏലിയാസ് മാർച്ച് ഉദ്ഘാടനം ചെയ്തു. തീരദേശ മഹിളാവേദി പ്രസിഡൻറ് എലിസബത്ത് ആൻറണി, സെക്രട്ടറി ജെർമിറോയി, ജനറ്റ് ക്ലീറ്റസ്, മേബിൾ നസിയാൻസ്, ബ്രിജിറ്റ് ഫ്രാൻസിസ്, മേബിൾ റൈമണ്ട്, ഗേളി ജോൺ, എൽസത്ത് എഡ്വിൻ, വലേരിയൽ െഎസക് എന്നിവർ സംസാരിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.