തിരുവനന്തപുരം: കേരള സ്റ്റേറ്റ് സർവിസ് പെൻഷനേഴ്സ് യൂനിയെൻറ (കെ.എസ്.എസ്.പി.യു) നേതൃത്വത്തിൽ ആയിരക്കണക്കിന് പെൻഷൻകാർ സെക്രട്ടേറിയറ്റിലേക്ക് മാർച്ച് നടത്തി. സെക്രട്ടേറിയറ്റിന് മുന്നിൽ നടന്ന ധർണ വി. ശിവന്കുട്ടി ഉദ്ഘാടനം ചെയ്തു. പെന്ഷന്കാര്ക്കുള്ള ചികിത്സാപദ്ധതി ഉടനടി നടപ്പാക്കണമെന്ന് അേദ്ദഹം ആവശ്യപ്പെട്ടു. എഴുപതു വയസ്സിന് മുകളിലുള്ള പെന്ഷന്കാര്ക്ക് വര്ധിത പെന്ഷന് അനുവദിക്കുക, ഒരു മാസത്തെ പെന്ഷന് ഉത്സവബത്തയായി അനുവദിക്കുക, മറ്റ് സംസ്ഥാനങ്ങളിലെപ്പോലെ ചികിത്സാസഹായം നല്കുക, പി.എഫ്.ആര്.ഡി.എ നിയമം റദ്ദ് ചെയ്യുക, പെന്ഷന് പരിഷ്കരണ നടപടികള് ആരംഭിക്കുക തുടങ്ങിയ ആവശ്യങ്ങള് ഉന്നയിച്ചായിരുന്നു മാര്ച്ച്. യൂനിയൻ സംസ്ഥാന ട്രഷറർ ജി. പത്്മനാഭപിള്ള, ജില്ല സെക്രട്ടറി കെ. സദാശിവൻ നായർ, ജില്ല പ്രസിഡൻറ് പി. മാധവൻ നായർ എന്നിവർ സംസാരിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.