കൊട്ടിയം: നിർത്തിയിട്ട കാറിൽ ഓട്ടോയിടിച്ച് മറിഞ്ഞ് യാത്രക്കാരായ മൂന്നുപേർക്ക് പരിക്കേറ്റു. കൊട്ടിയം പുല്ലാങ്കുഴി കനാലിൽ വീട്ടിൽ പ്രിജില (37), മകൻ സുബിൻ കുമാർ (13), ഓട്ടോ ഡ്രൈവർ ആദിച്ചനല്ലൂർ പ്ലാക്കാട് സുധീഷ് ഭവനിൽ സുധീഷ് എന്നിവർക്കാണ് പരിക്കേറ്റത്. തിങ്കളാഴ്ച ഉച്ചക്ക് ഒന്നരയോടെ കൊട്ടിയം മയ്യനാട് റോഡിൽ പുല്ലിച്ചിറ കുരിശ്ശടി കഴിഞ്ഞുള്ള വളവിലായിരുന്നു അപകടം. മയ്യനാട് ഭാഗത്തുനിന്ന് വന്ന ഓട്ടോ വളവ് തിരിഞ്ഞപ്പോൾ റോഡരികിൽ നിർത്തിയിട്ട കാറിെൻറ പിൻഭാഗത്ത് ഇടിച്ച് മറിയുകയായിരുന്നു. നാട്ടുകാരും വഴിയാത്രക്കാരും ചേർന്ന് ഓട്ടോ ഉയർത്തിയാണ് പരിക്കേറ്റവരെ പുറത്തെടുത്ത് കൊട്ടിയത്തെ സ്വകാര്യ ആശുപത്രിയിൽ എത്തിച്ചത്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.